Një aksident ka ndodhur ditën e sotme në rrugën hyrëse në Fier-Shegan, në aksin nacional Lushnje–Berat. Një person është transportuar me urgjencë në spitalin e Lushnjes.
Në spital ka përfunduar drejtuesi i mjetit tip Toyota, shtetasi A.G., rreth të tridhjetave. Në vendngjarje kanë shkuar shërbimet e policisë rrugore, si dhe zjarrfikësit e Lushnjes, por nuk është dashur ndërhyrja e tyre. Personi është nxjerrë nga mjeti dhe është transportuar në spitalin e Lushnjes, ku ndodhet nën kujdesin e mjekëve.
Sipas policisë së qarkullimit rrugor në vendngjarje, drejtuesi i mjetit ka qenë me shpejtësi të lartë dhe ka dalë nga rruga në kthesën e hyrjes për në Fier-Shegan.
Policia rrugore është duke dokumentuar ngjarjen dhe, në të njëjtën kohë, po bën edhe disiplinimin e trafikut.
Komente
