Kronikë

Aksident në aksin Fier-Cakran, përplasen dy automjete me njëra-tjetrën! Tre pasagjerë nisen me urgjencë në spitalin e Fierit (VIDEO)

Dy automjete janë përplasur në aksin Fier-Cakran, duke lënë të plagosur tre pasagjerë. Të dëmtuarit janë dërguar në spital, ndërsa policia po heton shkaqet e aksidentit.

24 Qershor, 21:07| Përditesimi: 24 Qershor, 21:38

  • Share

Një aksident ka ndodhur pak minuta më parë në aksin Fier-Cakran.

Dy automjete tip “Ford” dhe “Volkswagen” janë përplasur me njëri-tjetrin dhe, si pasojë e goditjes së fortë, tre pasagjerë kanë mbetur të dëmtuar dhe janë transportuar me urgjencë drejt Spitalit Rajonal Fier, ku po marrin ndihmën mjekësore.

Në vendngjarje kanë shkuar menjëherë shërbimet e policisë dhe grupi hetimor, i cili po punon për zbardhjen e shkaqeve të këtij aksidenti.

Njoftimi i policisë

Rreth orës 20:30, në vendin e quajtur "Kthesa e Cakranit" automjeti me drejtues shtetasin M. Sh., është përplasur me automjetin me drejtues shtetasin D. Sh.

Si pasojë e përplasjes janë dëmtuar lehtë tre pasagjeret, shtetaset K. C., 25 vjeçe, L. C., 52 vjeçe dhe I. C., 30 vjeçe, të cilat kanë shkuar në spital për të kryer ekzaminimet mjekësore.

Grupi hetimor po punon për sqarimin e plotë të rrethanave dhe shkakut të aksidentit.

H.K/ReportTv.al
Komento

Komente

  • Sondazhi i ditës:

    A mendoni se rinumërimi i pothuajse gjysmës së votave është farsë e kotë?