Teksa puna për parandalimin dhe “goditjen” e paligjshmërisë vijon, policia e Lezhës ka vënë në pranga 2 persona dhe ka proceduar penalisht 1 në Lezhë.
Një 27-vjeçar është dërguar me urgjencë drejt spitalit të traumës në Tiranë, pasi një G.B, 21 vjeç drejtues i automjetit tip "Renault", e ka përplasur atë teksa po ecte në rrugën e plazhit të Tales në Lezhë.
Autori është vënë në pranga nga policia.
Policia e Lezhës ka arrestuar një 61-vjeçar, M.N i cili pasi përplasi 58-vjeçarin S.U i cili po udhëtonte me motoçikletë në aksin rrugor Milot-Thumanë, e ka lënë dhe është larguar nga vendngjarja.
Specialistët për Hetimin e Krimeve në Komisariatin e Policisë Lezhë, në vijim të kontrolleve për lirimin e plazheve nga shezlongët e vendosur pa leje, pasi ka konstatuar një subjekt që kishte zaptuar hapësirën publike (plazh), duke vendosur çadra dhe shezlongë pa lejen e autoriteteve përkatëse e ka proceduar atë penalisht.
M.N., 46 vjeç, banues në Kurbin, pasi shërbimet e Policisë konstatuan se në bregdetin e Talës, Lezhë, kishte vendosur çadra dhe shezlongë pa lejen e autoriteteve përkatëse.
Materialet procedurale i kaluan Prokurorisë pranë Gjykatës së Shkallës së Parë Lezhë dhe Kurbin, për verime të mëtejshme.
