Ka shkuar në dy numri i viktimave nga aksidenti i rëndë i ndodhur pasditen e së mërkurës në rrugën Lezhë-Shëngjin, ku u përplas një autoveturë me një kamion.
Burime nga policia bëjnë me dije se ka ndërruar jetë në spitalin e Traumës në Tiranë dhe bashkëshortja e viktimës drejtuesit të mjetit tip “Audi” Paulin Zefi.
Zhaklina Hysa 40-vjeçe gjeti vdekjen gjatë natës te Trauma. Pavarësisht ndihmës mjekësore nuk mundi t’i mbijetojë plagëve të marra.
Në lidhje me aksidentin tragjik që ndodhi rreth orës 16:00 pranë lagjes "Xhenjo", policia ka arrestuar drejtuesin e kamionit Xh.D 25-vjeç, i cili po merr mjekim në spital. Ndaj tij është ngritur akuza “Shkelja e rregullave te qarkullimit rrugor” me pasojë vdekjen.
Nga veprimet paraprake të policisë dyshohet se shkak i aksidentit është bërë humbja e kontrollit nga drejtuesit i audit i cili po lëvizte me shpejtësi, duke sjellë dhe përplasjen e fortë me kamionin.
Komente
