44-vjeçari nga Dibra, Jetmir Daci humbi kontrollin e makinës dhe përplasi 4 persona në një servis që ndodhet ne anë të rrugës Prrenjas- Qafë Thanë. Të plagosurit u transportuan në spitalin e Traumës, ku në gjendje më të rëndë është një vajzë 24-vjeçe.
Aksidenti i rëndë u shënua një ditë më parë, ndërsa 44-vjecari Daci u shoqërua ne polici. Burimet thane se ai drejtonte makinen ne gjendje te dehur, ndersa policia e Elbasanit ne komunikate për mediat nuk i sqaron shkaqet. Policia thotë vetem se “44-vjecari drejtonte makinën "Volkswagen", humbi kontrollin dhe përplasi një “Passat” në ambientet e një servisi”.
Personat e plagosur qëndronin në këmbë para servisit dhe po prisnin që makina e tyre të riparohej, teksa u përplasën nga 44-vjecari.
Gazetari i Report Tv Ronaldo Gjoshi siguron pamje të Passatit të aksidentuar që duket se është dëmtuar shumë ç’ka tregon se goditja ka qenë e fortë.
