LIBRAZHD- Policia ka arrestuar drejtuesin e mjetit që aksidentoi ditën e djeshme këmbësorin në aksin Prrenjas-Librazh. (SHIKO KËTU)
Bëhet fjalë për Haxhi Çollakun, 43 vjeç, banues në fshatin Rrajcë, Prrenjas, kryetar i degës së PS në Prrenjas.
Automjeti tip "Mitsubishi" i drejtuar nga 43-vjeçari ka humbur kontrollin dhe ka dalë nga rruga, duke përplasur 54-vjeçarin Andrea Vreto, i cili ndodhet në gjendje të rëndë shëndetësore.
NJOFTIMI I POLICISË:
Librazhd
Specialistët e Qarkullimit Rrugor në Drejtorinë Vendore te Policisë Elbasan, arrestuan në flagrancë shtetasin:
• H.Ç., 43 vjeç, banues në fshatin Rrajcë, Prrenjas.
Arrestimi i tij u bë pasi, duke drejtuar mjetin në aksin rrugor Prrenjas - Librazhd , ka aksidentuar këmbësorin shtetasin A.V., 54 vjeç, i cili ndodhet në gjëndje të rëndë shëndetësore.
Materialet i kaluan Prokurorisë pranë Gjykatës së Shkallës së Parë Elbasan, për veprën penale " Shkelje e rregullave te qarkullimit rrugor", parashikuar nga neni 290 i Kodit Penal.
Komente
