Jepet masa "arrest shtëpie" për Denisa Dokun, 19 vjeçaren e cila po drejtone makinën tip "Smart" kur ndodhi aksidenti fatal të shtunën (5 dhjetor) në rrugën "Demokracia" në Kamëz, që i mori jetë 22 vjeçares pasagjere, Alida Spahiu.
Masa 'arrest shtëpie' i është dhënë me kushtin e heqjes së patentës deri në përfundim të hetimit gjyqësor. Prindërit e vajzës që ka ndërruar jetë deklaruan në gjykatë se nuk duan që Denisa të ndiqet penalisht. 19 vjeçarja e cila ndodhet në spital pasi mori plagë nga aksidenti, sipas dëshmisë së familjarëve është kunata e Alida Spahiut.
"Marrëdhëniet tona me familjen Doku janë të sqaruara. Kemi marrëdhënie familjare pasi Alida ishte e fejuara e vëllait të Denisës", thonë familjarët.
Edhe avokati Bardh Koci kërkoi masë të lehtë sigurie. Ai ka thënë se vajza është studente dhe kërkon që t'i jepet mundësia të vazhdojë shkollën.
" Duhet te ndalohej edhe drejtuesi i benzit deri sa te dale ekspertiza. Aksidenti ka ndodhur në mementin që smarti do të merrte kthesen. Drejtuesja e mjetit nuk ka qenë e alkolizuar dhe nuk ka qene me shpejtesi", ka thënë avokati.
Makina tip 'Smart' që drejtohej nga Denisa Doku është përplasur me dy mjete të tjera, njëra me shpejtësi të lartë.
2 vajzat janë transportuar në spital për të marrë mjekim të specializuar, por njëra prej tyre nuk ka mundur t'u mbijetoj plagëve të rënda.
Mbi 19-vjeçaren Deni Doku rëndonte vepra penale "Shkelja e rregullave të Qarkullimit Rrugor". Siç shihet dhe nga pamjet njëra makinë ka qenë shpejtësi të lartë, kurse Smarti i ndërpret rrugën.
VIDEO/ Aksidenti që i morri jetën 22-vjeçares
Letra e prindërve të viktimës
19-vjeçarja Denisa Doku është lënë në "arrest shtëpie" lidhur me aksidentin fatal që ka ndodhur të shtunën (5 dhjetor) në rrugën "Demokracia" në Kamëz, si pasojë e të cilit ka vdekur 22-vjeçarja Alida Spahiu.
Arresti i shtëpisë i është dhënë me kushtin e heqjes së patentës deri në përfundim të hetimit gjyqësor.
Komente
Nese është fajtore e ndjek drejtësia, familjarët nuk mundet të vendosin për këtë gjë. Ngushllime familjës për këtë humbje të madhe!
Përgjigju