Gjykata e Tiranës caktoi sot masën e sigurimit “arrest në shtëpi” për Ekerem Skurenin, i cili pak ditë më parë përplasi tre të mitur që ishin duke lëvizur me monopatinë në bulevardin “Dëshmorët e Kombit” në Tiranë.
Gjatë seancës, 41-vjeçari mësohet se u ka kërkuar falje familjarëve të të aksidentuarve.
Ai u arrestua tre ditë më parë me akuzën për shkelje të rregullave të qarkullimit rrugor. Automjet i bardhë i rrjetit të supermarketeve “Pronatyra”, i përplasi të miturit në të dyja monopatinat në kryqëzim, dhe i mori para për disa metra, duke u ndaluar në cep të lulishtes të “Tajvanit”. Makina ishte duke ecur në korsinë e dedikuar të mjeteve të transportit publik.
Dy nga tre të miturit që u aksidentuan me monopatina të mërkurën kanë lënë ambientet e spitalit të Traumës. Ndërsa një 11-vjeçar vijon në gjendje të rëndë, në reanimacion.
Komente
