Dy persona janë arrestuar nga policia pasi përplasën për vdekje një 61-vjeçar pasditen e djeshme (29 nëntor) në aksin rrugor Lezhë-Milot.
Në pranga kanë rënë dy të rinj, 22-vjeçari me iniciale A.Xh. dhe një 19-vjeçar me iniciale N.M. të dy banues në Lezhë.
Aksidenti u regjistrua në orën 17:30 pasditen e së dielës ku dy të rinjtë po udhëtonin me makinat e tyre tip "Benz " dhe "BMW", në sense të kundërta.
Ata kanë përplasur Gjon Kolën 61-vjeç banues në Lezhë i cili ka ndërruar jetë në moment. Ngjarja ka ndodhur pranë hotelit në pronësi të Kolës.
Aksi Lezhë-Milot mbetet një nga akset më të rrezikshme ku janë regjistruar shumë aksidente me pasojë vdekjen e disa qytetarëve.
Materialet hetimore iu referuan u referuan në Prokurorinë e Rrethit Gjyqësor Lezhë, për veprime të mëtejshme.
