Kryeministri Edi Rama ka publikuar fotografi nga aksioni I sotëm në Durrës, Sarandë dhe Fier, duke e karakterizuar mbrojtën e mjedisit fillimin e patriotizmit.
Rama shkruan se njerëzit jo vetëm nuk duhet të hedhim plehrat rrugëve plazheve dhe parqeve por duhet ta konsiderojnë tokën e atdheut si dyshemenë e shtëpisë. Kryeministri shton se toka është trashëgimi nga ata që kanë banuar më parë këtu dhe është detyra e secilit ta lëmë atë pastër për atë që do të vijnë.
Aksioni I pastrimit i cili do të shtrihet në të gjithë Shqipërinë ka nisur nga Vlora, ku I pranishëm ka qenë edhe kryeministri Edi Rama. Ai nga Pylli i Sodës paralajmëroi kryebashkiaket e vendit, sidomos ato të bashkive në zonat bregdetare që janë edhe potenciali më i madh turistik dhe zinxhir zhvillimi për ekonominë e vendit për mbajtjen pastër të ambientit, duke treguar kujdes maksimal. Kryeministri shtoi gjithashtu se do të ngrihet një taskforcë që do të ndihmojë në këtë proces përmes një buxheti ekstra.
J.GJ./ReportTv.al
