Ekspozita “Një rrugëtim te arti hyjnor” vijon të mbahet te Galeria e Artit- Tiranë (GAT) te rruga e Kavajës. Mes simbolikash dhe shenjtorësh, mes ëngjëjsh dhe kerubinësh, mes hyjnores dhe tokësores, ekspozita është një rrugëtim përmes botës ikonografike dhe historisë së artit shqiptar!
“Punishte e Teatrit” është aktiviteti që po mbahet nga Grupi “Ata” në Kamëz. Aktiviteti synon të vazhdojë traditën e teatrit alternativ zhvilluar tashmë prej një dekade, si dhe me dëshirën për ta përcjellë atë ndër të rinjtë.
“Thrift Fest” mbahet gjatë gjithë ditës te Pazari i Ri në Tiranë më 24 dhe 25 dhjetor.
Produkte vintage, bizhuteri, produkte hand-made, pije, ushqime tradicionale, muzikë dhe jo vetëm do të mund t’i gjeni për dy ditë.
“Christmas Market” vijon të mbahet te “Pazari i Ri” në Tiranë, duke sjellë atmosferën dhe magjinë e Krishtlindjeve.
Ekspozita imersive “Rilindja Italiane” vijon të qëndrojë e çelur te “Galeria e Arteve Digjitale” në Korçë.
Komente
