Art, kulturë dhe spektakël. Në vijim, rubrika “Ciceron”, ju njeh me aktivitetet që mund të ndiqni sot dhe nesër në Tiranë dhe disa qytete të vendit.
1 “Bashkë” është muzikali që vjen te Teatri i Kukullave këtë fundjavë më 28 dhe 29 dhjetor në orën 18:00. Shfaqja bën bashkë në skenë aktorë, kukulla dhe fëmijë.
2 “Amour” është shfaqja teatrore që do të vijë në sallën koncertore të Universitetit të Arteve në Tiranë më 28 dhe 29 dhjetor në orën 20:00. Shfaqja me regji nga Besmir Bitraku dhe Florian Agalliu sjell në skenë aktorë, si: Myzafer Zifla, Luiza Xhuvani, Elia Zaharia etj.
3 Koncert nga “Doza MC” do të vijë më 28 dhjetor në orën 19:00 te Qendra e Artit “Agimi” në Tiranë. Artisti do të performojë albumin e tij të sapo publikuar “Vitriol” me një performancë shoqëruar me live band.
4 Capital T vjen me një koncert në Shkodër më 28 dhjetor në orën 19:00 me rastin e festave të fundvitit. Koncerti vjen i organizuar me mbështetjen e Bashkisë së Shkodrës si pjesë e programeve festive të qytetit.
5 “Këngët në qiellin e lirisë dhe të dashurisë” është koncerti që mbahet në Qendrën e Artit dhe Kulturës në Korçë më 28 dhjetor në orën 20:00 në kuadër të Festivalit të Dimrit- Fest ON Korça, që sjell për publikun një sërë koncertesh festive.
6 Festat e fundivitit në Gjirokastër do të kremtohen më 28 dhjetor në orën 19:00 me një koncert nga Ylli Baka dhe DJ Beltrame në Pazarin e qytetit.
7 Festa e Fundvitit n’Pazar do të sjellë më 28 dhjetor në orën 20:30 një koncert te Pazari i Ri në Tiranë nga Rovena Ibrahimi dhe banda e saj muzikore.
8 Të shtunën, më 28 dhjetor nga ora 12:00 – 17:00, në sheshin para Librarisë Valentini në rrugën e Kavajës do të mbahet një panair i vogël për të gjithë ata që duan të dhurojnë një libër.
Komente
