Art, kulturë dhe spektakël. Në vijim, rubrika “Ciceron”, ju njeh me aktivitetet që mund të ndiqni sot dhe nesër në Tiranë dhe disa qytete të vendit.
1. Pranvera sjell në skenë kryeveprat më të njohura të kompozitorëve botërorë, si: Glinka, Tchaikovsky dhe Dvořák me koncertin Instrumentalo-Simfonik “Bota e Re” që do të mbahet në Teatrin Kombëtar të Operas dhe Baletit mbrëmjen e kësaj të diele, më 15 mars në orën 19:00. Këtë herë, TKOBAP-ja mirëpret violonçelistin shqiptar, Klaudio Zoto, i cili vjen nga Gjermania, ndërkohë që në skenë do të interpretojë edhe Orkestra Simfonike e TKOBAP-së, nën dirigjimin e Sergio Alapont.
2. Shoëcase Art Boulevard vijon të mbahet edhe këtë fundjavë te “Bulevard Art Media Institute” në Tiranë. Për të tretin vit radhazi, me një urgjencë edhe më të madhe për të ndarë luftërat gjinore dhe sfidat estetike, Bulevard ka ftuar artistet Anna Ehrenstein, Blerta Kambo, Iva Lulashi, Ledia Kostandini, Lori Lako dhe Merita Selimi për të krijuar postera, që u shpërndanë falas në protestën e 8 marsit.
3. Vepra teatrore “Fausti” do të vijojë të shfaqet edhe këtë të diel, më 15 mars, në orën 20:00.
4. “Probleme me pijen” është shfaqja që do të vijojë të shfaqet në Teatrin e Metropolit edhe mbrëmjen e 15 marsit në orën 20:00.
5. “Klani i të divorcuarave” është pjesa teatrore që do të vijojë të shfaqet në skenën e Teatrit të Kukullave në Tiranë edhe më 15 dhe 16 mars në orën 20:00.
6. Komedia “Gruaja e burrit tim” do të vijojë të shfaqet në skenën e Teatrit Eksperimental te “ArTurbina” në Tiranë edhe më 15 dhe 16 mars në orën 19:00.
7. “Delja e detit”, shfaqje teatrale me kukulla për fëmijë do të shfaqet te Teatri i Kukullave në Tiranë këtë të diel në orën 10:30.
Komente
