Art, kulturë dhe spektakël. Në vijim, rubrika “Ciceron”, ju njeh me aktivitetet që mund të ndiqni sot dhe nesër në Tiranë dhe disa qytete të vendit.
1. “Engjëjt” është shfaqja do të vijë në sallën “Çehov” të teatrit “Metropol” në Tiranë këtë fundjavë, më 8 dhe 9 mars në orën 20:00.
2. Këtë të diel, më 9 mars, në orën 19:00, në oborrin pas Universitetit Politeknik do të ketë një mbrëmje unike e quajtur “Ilyrius Night” nën ritmet e muzikës së “Pericles” dhe praninë e disa prej makinave më të veçanta nga bota e motorsportit.
3. “Belcanto Italiano” është koncerti që do të mbahet mbrëmjen e 8 marsit në orën 19:00 në Teatrin Kombëtar të Operas dhe Baletit dhe që sjell elegancën dhe emocionet e muzikës klasike italiane me Raffaele Abete dhe Maria Sarli. Aktiviteti është konceptuar si një mbrëmje kushtuar bukurisë dhe shpirtit të gruas.
4. Për herë të parë në Tiranë, grupi legjendar “Modern Talking” me Thomas Andersen & Band sjell magjinë e hiteve të paharrueshme në një koncert në Pallatin e Kongreseve në Tiranë, këtë të shtunë, më 8 mars, në orën 19:30.
5. Më 8 Mars në orën 19:00 më mjediset e Qendrës për Hapje dhe Dialog-COD në mjediset e Kryeministrisë mund të bëheni pjesë e “Whispers-Pëshpërima”, një udhëtim artistik që sjell histori të frymëzuara nga ngjarje të vërteta.
6. Vijon të qëndrojë në sheshin “Skënderbej” në Tiranë instalacioni “Mozaiku i Zërave”. Instalacioni sjell zërat e atyre që kanë përjetuar dhunë dhe/ose ngacmim seksual.
7. Shfaqja teatrore “Fausti” vijon të shfaqet në skenën e Teatrit Kombëtar pranë ArTurbinës në Tiranë edhe këtë të shtunë dhe të dielën, më 8 dhe 9 mars në orën 20:00.
8. “Vivaldi 4 stinët” është koncerti që mbahet më 9 mars në Kishën e Shën Luçisë, në Durrës, nga Orkestra Kamertale Shqiptare dhe violinistja Abigeila Voshtina.
9. “Mundësi pa kufij” është koncerti muziko-teatral, që do të mbahet në teatrin “Bylis” në Fier mbrëmjen e së dielës, më 9 mars, në orën 18:00. Alda e Blerina Shalari do të sjellin një repertor të pasur muzikor, ndërsa aktori i mirënjohur Dritan Boriçi do të jetë i ftuari special i kësaj mbrëmjeje.
Komente
