1. Në Qendrën Kulturore “Tulla” në Tiranë mbahet Fem Fest 2025. Këtë vit programi artistik vjen nën moton “Solidaritet”, që përfshin shfaqje teatri, dokumentarë dhe performanca muzikore. Filmi i parë që do të prezantohet është “Rebels Audacity”, këtë të martë, në orën 19:00.
2. Filmi “Delegacioni” i regjisorit Bujar Alimani do të shfaqet mbrëmjen e kësaj të marte, më 4 mars, në orën 19:00 te “Tek Bunkeri” në Tiranë. I ftuar do të jetë edhe regjisori Alimani, për një bisedë ekskluzive pas shfaqjes.
3. Filmi “Out of season” do të shfaqet te Qendra “Dua” në Tiranë këtë të martë, më 4 mars, në orën 19:00.
4. Leksion “Sound healing” & “Si e modelon tingulli kreativitetin” do të mbahet këtë të martë, më 4 mars, në orën 12:00 në sallën “Çesk Zadeja” në Universitetin e Arteve.
5. Një takim dhe bisedë me kuratorin Jean Charles Vergne në ekspozitën e Gregory Creëdson do të mbahet këtë të hënë në orën 18:00 në Muzeun Kombëtar të Fotografisë Marubi në Shkodër.
6. “15 ditë prilli” është shfaqja teatrore me autore Anisa Markarian e regji të Driada Dervishit, që do të shfaqet edhe mbrëmjen e kësaj të hëne në orën 19:00 në Teatrin “Aleksandër Moisiu” në Durrës.
7. Ekspozita “Dinastia Marubi: Njëqind vite të studios fotografike shqiptare” vijon të qëndrojë e çelur në Galerinë e Tiranës- GAT.
Komente
