Art, kulturë dhe spektakël. Në vijim, rubrika “Ciceron”, ju njeh me aktivitetet që mund të ndiqni sot dhe nesër në Tiranë dhe disa qytete të vendit.
1. Ditën e martë, më 18 mars, në orën 18:00, me rastin e Ditës Botërore të Poezisë, Instituti Italian i Kulturës në Tiranë do të presë në bibliotekën e tij, një aktivitet me poezi nga Pier Paolo Passolini dhe Giovanni Pascoli.
2. Stina Koncertore në Fakultetin e Muzikës në Tiranë vjen me një tjetër koncert të Muzikës së Dhomës, këtë herë me një trio të pedagogëve Xhovana Marku (Oboe), Ardita Bufaj (Piano) dhe Ilir kodhima (Korno). Koncerti do të mbahet më 18 mars në orën 19:00 në Hollin e Universitetit të Arteve.
3. Këtë martë, më 18 mars, në orën 19:00 te “Tek Bunkeri” në Tiranë do të shfaqet filmi “Parrullat” nga Gjergj Xhuvani, shoqëruar më pas me një bashkëbisedim me skenaristin e filmit, Ylljet Aliçka.
4. “Furracaku” është filmi me regji nga Renis Hyka dhe me producent Eno Milkanin (Bunker Film +), që do të shfaqet premierë mbrëmjen e kësaj të hëne në orën 19:00 në kinema “Millenium” në Tiranë. Krahas këtij filmi, për të pranishmit do të shfaqet edhe filmi “Rasti i çuditshëm i Teresitës”.
5. “Vathikofto” nga Ioanna Kryona është filmi që do të shfaqet mbrëmjen e kësaj të hëne në orën 19:00 në “Hotspot Tirana” në kryeqytet. Filmi do të transmetohet në greqisht me titra në anglisht.
Komente
