Kultura

Aktivitetet kulturore/ Komedia ‘Gruaja e burrit tim’ te ‘ArTurbina’! ‘Klani i të divorcuarave’, te Teatri i Kukllave, Tiranë

14 Mars, 11:10| Përditesimi: 14 Mars, 14:50

  • Share

Art, kulturë dhe spektakël. Në vijim, rubrika “Ciceron”, ju njeh me aktivitetet që mund të ndiqni sot dhe nesër në Tiranë dhe disa qytete të vendit.

1. Një koncert me muzikë e poezi do të mbahet në sallën e koncerteve në Shkollën e Muzikës “Prenk Jakova” në Shkodër më 15 mars në orën 11:00.

2. Arbëreshi Giorgio Gjergj Fusco vjen me një koncert te “Tek Bunkeri” në Tiranë mbrëmjen e 14 marsit në orën 20:00.

3. “Pranvera filloi me ardh” titullohet koncerti që mbahet në qendër të qytetit të Përmetit më 14 mars në orën 19:00. Eriona Gjyzeli dhe “Albanian Chamber Orchestra” do të sjellin një mbrëmje të veçantë, me muzikë të mirë dhe shijen e bukur të pranverës.

3. Dita e Verës festohet me një sërë aktivitetesh në Tiranë. Kështu te Piramida, më 14 mars mund të shijoni muzikë dhe ritme, të pikturoni, kërceni dhe festoni me ngjyrat e stinës së re. Po ashtu, festime do të ketë edhe te Liqeni Artificial prej orës 10:00 të paradites, ndërkohë që te ish-Blloku do të mbahet “Thriftfest”, që vjen në eventin e madh vjetor “The Streetparty”, duke sjellë një përzierje të jashtëzakonshme të kulturës urbane, kreativitetit dhe stilit të qëndrueshëm. Në këtë edicion do të gjeni 25 biznese të ndryshme, që ofrojnë: artizanë e produkte të punuara me dorë, veshje dhe aksesorë thrift & vintage, koleksione unike dhe objekte të rralla.

4. “Dumrea festival” mbahet në “Dumrea Eco Park” në Belsh më 14 dhe 15 mars. Për të pranishmit ofrohen aktivitete për të gjithë familjen, muzikë, piknik dhe shumë të tjera.

5. “Probleme me pijen” është shfaqja që do të vijojë të shfaqet në Teatrin e Metropolit edhe mbrëmjen e 14 dhe 15 marsit në orën 20:00.

6. “Klani i të divorcuarave” është pjesa teatrore që do të vijojë të shfaqet në skenën e Teatrit të Kukullave në Tiranë gjatë kësaj fundjave, më 14, 15 dhe 16 mars në orën 20:00.

7. Komedia “Gruaja e burrit tim” do të vijojë të shfaqet në skenën e Teatrit Eksperimental te “ArTurbina” në Tiranë gjatë kësaj fundjave, më 14, 15 dhe 16 mars në orën 19:00.

8. “Prestanome” është ekspozita nga Helidon Haliti që vijon të jetë e hapur në galerinë “FAB” në Tiranë.

Xh.K/I.M/ReportTv.al
Komento

Komente

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?