“Karnavalet e Korçës” është komedia që do të vijojë të shfaqet edhe këtë të shtunë dhe të dielën, më 1 dhe 2 mars, në orën 20:00, në skenën e Teatrit Kombëtar pranë ArTurbinës në Tiranë.
Pranvera vjen me dy premiera absolute dhe një kryevepër klasike në Teatrin Kombëtar të Operas dhe Baletit. Fituesit e çmimit “Çesk Zadeja” për kompozitorët e rinj, sjellin krijimet e tyre në një koncert mbrëmjen e kësaj të shtune, më 1 mars, në orën 19:00.
“ReRe-Art” titullohet ekspozita që do të çelet këtë të shtunë, më 1 mars në orën 18:00 te “Tulla Center” në Tiranë.
Një përmbledhje magjike nga Cirku Kombëtar do të vijë në skenën e Teatrit të Kukullave në 1 dhe 2 mars në orën 17:00.
“Nuk do të gënjejmë më kurrë” është komedia që do të vijojë të shfaqet te Teatri i Kukullave në Tiranë 1 dhe 2 mars, në orën 19:00.
“Station Talks: Shpëtim Kelmendi në Shkodër” është takimi që do të mbahet në “Bed & Station Hostel” në Shkodër më 1 mars në orën 18:00. Shpëtim Kelmendi është poet, shkrimtar dhe përkthyes, që është nderuar me disa çmime kombëtare, së fundi për librin me tregime “Dashnia âsht”.
“Gruaja e burrit tim” është komedia që do të shfaqet më 1 dhe 2 mars në orën 19:00 në teatrin “Skampa” në Elbasan.
Teatri për fëmijë “Rosaku i shëmtuar” shfaqet këtë fundjavë, më 1 dhe 2 mars, në orën 10:30 te “Teatri i Kukullave” në Tiranë.
“Princeshat dhe bizelja magjike”, muzikali gazmor bazuar në përrallën e Andersenit do të vijë këtë fundjavë në Teatrin e Kukullave në Tiranë në orën 10:30.
Komente
