Art, kulturë dhe spektakël. Në vijim, rubrika “Ciceron”, ju njeh me aktivitetet që mund të ndiqni sot dhe nesër në Tiranë dhe disa qytete të vendit.
1.“Tales of time - Rrëfimet e kohës” nga Anna Possarnig është shfaqja që vjen në skenën e Teatrit Kombëtar Eksperimental “Kujtim Spahivogli” në Tiranë më 6, 7, 8 dhe 9 mars në orën 19:00.
2. Koncert flamengo nga “La Prenda Roja” është aktiviteti që do të mbahet më 6 mars në orën 19:00 në Qendrën Kulturore “Tulla” në Tiranë në kudër të Fem Fest 2025. Ky festival këtë vit vjen me një program artistik nën moton “Solidaritet”, që përfshin shfaqje teatri, dokumentarë dhe performanca muzikore.
3. Këtë të enjte në orën 19:00, “Efemere” bën debutimin e saj të parë. Më 6 mars, Piramida e Tiranës do të transformohet në vendodhjen e një fenomeni artistik, i cili përjetohet në atë dimension vetëm një herë, për të mbetur gjatë në kujtesë. Gjithçka nën tingujt e artistëve evropianë dhe vendas, si Jay-Jay Johanson, Edona Vatoci, Viola Rrecaj dhe Besa Mata!
4. Diskutimi i librit “Nexus” - Yuval Noah Harari është takimi i parë i Klubit Bytes & Books”, një klub ku takohet teknologjia me librat. Takimi do të mbahet këtë të mërkurë, më 5 mars në orën 18:00 te “One Connection Hub”.
5. “Tri Mendje në Ankand” është shfaqja që vjen premierë më 6 mars në orën 13:00 në mjediset e UET nga studentët e vitit të parë të aktrimit, regjisurës dhe grafikës, pjesë e Klubit të Teatrit të këtij universiteti. Pjesa vjen nën regjinë e Migena Gjyla dhe udhëheqjen e pedagogut Armand Bora.
6. Komedia “Gruaja e burrit tim” vijon të shfaqet në teatrin “Skampa” në Elbasan edhe më 6 dhe 7 mars në orën 19:00.
Komente
