Kultura

Aktivitetet kulturore/ Shfaqja ‘Cowboy’ tek teatri Metropolit, rikthehet komedia 'Karnavalet e Korçës'

18 Shkurt, 10:38| Përditesimi: 18 Shkurt, 13:01

  • Share

Një koncert në nderim të mjeshtrit të valles popullore, Rexhep Çeliku do të mbahet më 19 shkurt në orën 19:00 në Teatrin Kombëtar të Operës dhe Baletit nga Ansambli i Këngëve dhe Valleve Popullore. I titulluar “Kërcimtari Fluturues – Rexhep Çeliku, Nderi i Kombit”, koncerti është një homazh për trashëgiminë e tij të vyer në artin e valles popullore.

“Cowboy” është shfaqja që do të ngjitet në skenën e teatrit të Metropolit në Tiranë më 19 shkurt në orën 20:00. Shfaqja është pjesë e festivalit teatror “Mediums”.

Nga 19 shkurti deri më 23 shkurt 2025 në orën 20:00, te Qendra Kulturore Tulla në Tiranë do të prezantohen artistë dhe vepra bashkëkohorë nga Kosova me rastin e Javës Kulturore Kosovare. Kjo javë përkon me 17 vjetorin e Pavarësisë së Kosovës.

Komedia “Karnavalet e Korçës” rikthehet në Teatrin e Korçës më 19 dhe 20 shkurt në orën 19:00.

Karnavalet e Shkodrës vijojnë të mbahen edhe për disa ditë deri më 23 shkurt. Surpriza, spektakël dritash, koncerte, valle etj., do të jenë pjesë e një programi të larmishëm në rrugët e qytetit nga ora 11:00-19:00.

“Çifti i hapur” është shfaqja që do të ngjitet në skenën e Teatrit Kombëtar te ArTurbina mbrëmjen e kësaj të marte, më 18 shkurt në orën 20:00. Një komedi nga Franca Rame dhe Dario Fo, pjesa vjen nën interpretimin e Suela Bakos dhe Romir Zallës.

Ekspozita “aDigital Perspective” do të çelet më 19 shkurt në orën 18:00 në Tiranë te Galeria GOCAT – Gallery of Contemporary Art Tirana në Tiranë. Në ekspozitë janë ftuar dhjetë artistë italianë dhe ballkanas për të reflektuar dhe ripërcaktuar marrëdhënien mes arteve pamore dhe kulturës dixhitale.

“Little Miss Sunshine” është filmi që do të shfaqet te “Tek Bunkeri” në Tiranë këtë të martë, më 18 shkurt, në orën 19:00.

Më 19 shkurt në orën 17:30 te hyrja kryesore e Piramidës çelet edicioni i 10-të i “Ditëve të kujtesës”. Nën moton: “Një Dekadë në shërbim të Kujtesës në Shqipëri” kurorëzohen 10 vite krijim të një platforme, e cila promovon dialogun mbi të kaluarën komuniste të vendit tonë.

S.B/ReportTv.al
Komento

Komente

  • Sondazhi i ditës:

    A e keni vendosur se për kë do të votoni më 11 maj?