Një nga shfaqjet më të bukura të repertorit artistik të Ansamblit Kombëtar të Këngëve dhe Valleve Popullore do të vijë mbrëmjen e kësaj të marte, në 10 qershor, në orën 20:00 në skenën e TKOB-it. Koncerti etno-musical do të sjellë për publikun fuqinë e këngës, valles dhe traditës.
“Shteti dhe e drejta në veprën e akademik emeritus Luan Omarit” është konferenca që do të mbahet në Akademinë e Shkencave në 10 qershor në orën 11:00. Aktiviteti organizohet me rastin e 100 vjetorit të lindjes së akademikut.
Kuarteti i Harqeve “Erinys” mban një koncert te Teatri i Kukullave këtë të martë, në 10 qershor, në orën 20:00.
“UNUM 2025” është festivali që po vijon të mbahet në Shëngjin dhe që bën bashkë muzikën dhe natyrën.
“Çfarë pa kryeshërbëtorja” është shfaqja që do të ngjitet në skenën e teatrit “Skampa” në Elbasan në 10 qershor në orën 19:00.
Komente
