Art, kulturë dhe spektakël. Në vijim, rubrika “Ciceron”, ju njeh me aktivitetet që mund të ndiqni sot dhe nesër në Tiranë dhe disa qytete të vendit.
1. Këtë të mërkurë shënohet edicioni i 10-të i “International Albanian Brass Festival”. Festivali do të nisë më 19 mars me një Workshop në orën 9:30 në sallën “Black Box” të Universitetit të Arteve, ndërsa në mbrëmje, në po të njëjtin mjedis do të interpretojë një ansambël vjenez, i quajtur “Alfa Triangle”.
2. Një diskutim mbi fenomenin e përgjimit dhe bashkëpunëtorët e Sigurimit të Shtetit do të mbahet këtë të mërkurë, më 19 mars, në orën 19:00 te “Tek Bunkeri” si pjesë e ciklit të aktiviteteve “Zërat”.
3. Musicali “Matilda” do të rikthehet në skenën e Teatrit “Migjeni” në Shkodër duke filluar prej kësaj të marte deri më 21 mars, çdo ditë, në orën 12:30.
4. Këtë të martë, më 18 mars, në orën 18:00, me rastin e Ditës Botërore të Poezisë, Instituti Italian i Kulturës në Tiranë do të presë në bibliotekën e tij, një aktivitet me poezi nga Pier Paolo Passolini dhe Giovanni Pascoli.
5. Stina Koncertore në Fakultetin e Muzikës në Tiranë vjen me një tjetër koncert të Muzikës së Dhomës, këtë herë me një trio të pedagogëve Xhovana Marku (Oboe), Ardita Bufaj (Piano) dhe Ilir Kodhima (Korno). Koncerti do të mbahet sonte, më 18 mars në orën 19:00 në Hollin e Universitetit të Arteve.
6. Këtë martë, më 18 mars, në orën 19:00 te “Tek Bunkeri” në Tiranë do të shfaqet filmi “Parullat” nga Gjergj Xhuvani, shoqëruar më pas me një bashkëbisedim me skenaristin e filmit, Ylljet Aliçka.
Komente
