Art, kulturë dhe spektakël. Në vijim, rubrika “Ciceron”, ju njeh me aktivitetet që mund të ndiqni sot dhe nesër në Tiranë dhe disa qytete të vend.
1. “MOKRA N’FEST” NË URËN E GOLIKUT NË POGRADEC
“Mokra n’Fest” është aktiviteti që do të mbahet në Urën e Golikut në Pogradec këtë të shtunë në orën 16:00.
2. “PORTO PALERMO” FESTIVAL SJELL “LA NOCHE CUBANA”
“Porto Palermo Festival” vijon të mbahet në kalanë e Porto Palermos. I organizuar dhe drejtuar nga Olen Cesari, mbrëmjen e kësaj të premteje, për të pranishmit do të interpretojnë Eda Zari e AJS, ndërsa të shtunën mund të shijohen ritmet kubane me La Noche Cubana nën interpretimin e Laraine Canizares.
3. KONCERT PËR EMIGRANTËT NË MALËSI TË MADHE
Në Bushat të Malësisë së Madhe mbrëmjen e kësaj të shtune në orën 20:00 do të mbahet aktiviteti i titulluar “Koncert për emigrantët” me interpretime nga artistë e këngëtarë të ndryshëm.
5. “LOST IN GENERATIONS” NË GALERINË E ARTEVE DIGJITALE
Ekspozita “LIG” (Lost in Generations) vijon të qëndrojë e hapur te “Galeria e Arteve Digjitale” në Korçë deri më 31 gusht. Mund ta vizitoni falas çdo ditë, nga ora 10:00 deri në orën 20:00.
6. FILMAT E KINEMASË SË HAPUR “OPEN AIR TIRANA” TE “REJA”
Të pasionuarit pas filmave mund të ndjekin mbrëmjen e sotme në kinemanë e hapur “Open Air Tirana” te Reja pranë Galerisë Kombëtare të Arteve filmin “Spirited Aëay”, ndërsa të shtunën filmin “Dirty Dancing”.
7. FILMAT E JAVËS PËR TË RRITUR TE “HIMARA OPEN CINEMA”
Java e dytë në kinemanë e hapur të Himarës risjell magjinë e filmave “N’plazh” me një program të veçantë për të vegjëlit e për të rriturit. Të rriturit mund të shohin në orën 22:15 sonte filmin “Intouchables” (Të paprekshmit), ndërsa të shtunën “Spider Man (No Ëay Home)”.
8. FESTIVALI FOLKLORIK “JEHONA E VJOSËS” NË MEMALIAJ
Festivali Folklorik Ndërkombëtar “Jehona e Vjosës” vjen në edicionin e tij të II-të në Memaliaj sonte dhe nesër. Festivali mbahet në kuadër të Javës Memaliote “Memaliaj na Thërret” dhe do të bëjë bashkë grupe folklorikë dhe ansamble, valle tradicionale e këngë autentike.
Komente
