“Rozafa” është opera nga Orkestra e Harqeve e Radiotelevizionit Shqiptar, që do të vijë premierë në Sallën e Universitetit të Arteve këtë të premte, më 5 prill, në orën 19:00. Me kompozitor David Tukiçi dhe libret nga Fadil Kraja, opera do të sjellë në skenë artistë, si: Ardita Meni, Josif Gjipali, Marjana Leka, Armando Likaj etj.
Shfaqja “Streha e nemun” është shfaqja që do të vijojë të ngjitet në skenën e Teatrit Kombëtar Eksperimental “Kujtim Spahivogli” dhe sonte, më 4 prill në orën 19:00.
“Një përmbledhje magjike” është shfaqja e Cirkut Kombëtar që do të mbahet te Teatri i Kukullave më 5 dhe 6 prill në orën 17:00.
“Pylli i mistershëm” është shfaqja për fëmijë që do të ngjitet në skenën e Teatrit Kombëtar Eksperimental “Kujtim Spahivogli” pranë ArTurbinës më 5 dhe 6 prill në orën 10:30.
“Pusht…imi” është stand-up komedia nga Gent Hazizi, që do të mbahet në teatrin “Aleksandër Moisiu” në Durrës këtë të premte, më 4 prill, në orën 20:00.
Ekspozita “Shqiptarë të panjohur” nga Ben Blushi vijon të qëndrojë e çelur te COD. Në 42 fotografi Ben Blushi na fton të shohim përtej sipërfaqes, të çmontojmë narrativën e zakonshme dhe të përqafojmë një Shqipëri më të pasur dhe më të gjerë.
Po vijon të mbahet në qendrën e artit “Agimi” konkursi i Fotografisë “NOIR: Tirana nën lenten e zhanrit”. Konkursi ju jep mundësinë të eksploroni kryeqytetin në këndvështrimin e frymës ‘noir’.
Në bibliotekën publike “Marin Barleti” në Shkodër vijon të qëndrojë e çelur ekspozita “Brandenburgu dhe Prusia, pikëtakime me Shqipërinë”.
Komente
