1 Reflektim për veprën e Kadaresë do të jetë aktiviteti që do të mbahet më 20 dhjetor në orën 12:00 në Shtëpinë Studio Kadare.
“Nga një dhjetor në tjetrin” do të jetë edhe një vështrim për simbolikën e dhjetorit në jetën e shqiptarëve.
2 Panairi “Puka Fest 2024” do të mbahet më 20 dhjetor në orën 17:30 në sheshin “Skënderbej” në Pukë. Ky panair zhvillohet në kuadër të festave të fundvitit, ku dhjetëra fermerë , grupe prodhuesish, grupe të përpunimit të grave ekspozojnë gatime tradicionale të zonës.
3 “Çifti i hapur” është shfaqja teatrore që do të vijë në skenën e Teatrit Kombëtar më 20 dhjetor në orën 20:00. Shfaqja vjen nën interpretimin e Suela Bakos dhe Romir Zallës.
4 “Gratë në narrativat shoqërore: nga kufizimi te riorganizimi” është takimi që do të mbahet te “Tek Bunkeri” në Tiranë më 20 dhjetor në orën 19:00.
Ky panel diskutimi synon të eksplorojë sfidat e gruas në shoqërinë moderne, veçanërisht pabarazinë gjinore, përfaqësimin dhe barrierat sistematike.
5 “Kurrë njëherë tjetër” është shfaqja që do të vijë te Teatri “Metropol” në Tiranë më 20, 21 dhe 22 dhjetor në orën 17:00.
6 Sunlights 2024: Një Festë e Dritës mbahet të “Parku Europa” edhe më 20 dhjetor në Tiranë. Spektakli mahnitës i ndriçimit dhe dritës nga Florian Çanga, eksploron harmoninë mes arkitekturës dhe dritës, dhe bën bashkë artin, muzikën, poezinë dhe dritën.
Komente
