Art, kulturë dhe spektakël. Në vijim, rubrika “Ciceron”, ju njeh me aktivitetet që mund të ndiqni sot dhe nesër në Tiranë dhe disa qytete të vendit.
1. “Babai dhe babai” është shfaqja teatrore nga Jeton Neziri që do të mbahet më 7 mars në orën 19:00 te Qendra Kulturore “Tulla” në kuadër të “Fem Fest 2025”.
2. Një koncert dedikuar të rinjve do të mbahet te Shtëpia e Fëmijës “Zyber Hallulli” më 7 mars në orën 13:30.
3. Ekspozita “Gjurmë Dijesh: Fletoret e Para”, një udhëtim në historinë e arsimit dhe në hapat e parë të shkrimit dhe këndimit çelet këtë të premte më 7 mars në orën 12:00 te “Muzeu i Arsimit” në Korçë.
4. “Pranverë Muzikore” titullohet koncerti që do të mbahet te Salla “Tonin Harapi” e Liceut Artistik në Tiranë mbrëmjen e kësaj të premteje, më 7 mars në orën 19:00.
5. “Tales of time - Rrëfimet e kohës” nga Anna Possarnig është shfaqja që vjen në skenën e Teatrit Kombëtar Eksperimental “Kujtim Spahivogli” në Tiranë më 6, 7, 8 dhe 9 mars në orën 19:00.
6. Koncert flamengo nga “La Prenda Roja” është aktiviteti që do të mbahet më 6 mars në orën 19:00 në Qendrën Kulturore “Tulla” në Tiranë në kudër të Fem Fest 2025. Ky festival këtë vit vjen me një program artistik nën moton “Solidaritet”, që përfshin shfaqje teatri, dokumentarë dhe performanca muzikore.
7. Këtë të enjte në orën 19:00, “Efemere” bën debutimin e saj të parë. Më 6 mars, Piramida e Tiranës do të transformohet në vendodhjen e një fenomeni artistik, i cili përjetohet në atë dimension vetëm një herë, për të mbetur gjatë në kujtesë. Gjithçka nën tingujt e artistëve evropianë dhe vendas, si Jay-Jay Johanson, Edona Vatoci, Viola Rrecaj dhe Besa Mata!
8. Shfaqja teatrore “Fausti” do të vijë në skenën e Teatrit Kombëtar pranë ArTurbinës në Tiranë më 7, 8 dhe 9 mars në orën 20:00.
9. Komedia “Gruaja e burrit tim” vijon të shfaqet në teatrin “Skampa” në Elbasan edhe më 6 dhe 7 mars në orën 19:00.
Komente
