Art, kulturë dhe spektakël. Në vijim, rubrika “Ciceron”, ju njeh me aktivitetet që mund të ndiqni sot dhe nesër në Tiranë dhe disa qytete të vend.
1.“KOKO FEST KORÇË 2025” E KTHEN QYTETIN QENDËR TË HUMORIT
“KoKo Fest Korçë 2025” rivjen në Teatrin e Korçës prej 31 gushtit deri në 6 shtator, duke e shndërruar qytetin juglindor në qendrën e humorit. Shfaqja e parë që do të ngjitet në skenë në 31 gusht në orën 20:00 është “Një martesë, një divorc, një funeral”.
2.“YJE MBI KANINË” ME ERMONELA JAHON, TIMO FLLOKON DHE PIRGUN
Ermonela Jaho, Timo Flloko e Saimir Pirgu bëhen bashkë në një mbrëmje artistike në Kalanë e Kaninës mbrëmjen e 31 gushtit, duke filluar nga ora 20:00. “Yje mbi Kaninë” shënon edhe çeljen e sezonit koncertor të Orkestrës Simfonike të Radiotelevizionit Shqiptar, e cila do të vijë nën dirigjimin e Jacopo Sipari Di Pescasseroli.
3.“SHKODRA SOUNDS”, VIJON FESTIVALI I XHAZIT NË QYTETIN VERIOR
Në Shkodër vijon të mbahet festivali i Jazz-it, “Shkodra Sounds – Shkodra Jazz Festival”. Mbrëmjen e 31 gushtit në orën 20:30 do të mbahet “Rrok Academy Jazz”.
4. “ETYD PËR DASHURINË” TE “MARGARITA TUTULANI” NË BERAT
“Etyd për dashurinë”, me motive nga vepra “Romeo e Zhulieta” e William Shekspirit, interpretuar nga aktorët e rinj Daniela Sadja & Enis Demarku, me regji të Igli Zarka do të vijë mbrëmjen e 30 gushtit në orën 18:00 në Qendrën Kulturore “Margarita Tutulani” në Berat.
5. TIRANË/ RIKTHEHET KOMEDIA “VENDI MË I HUMBUR NË SHQIPËRI”
Komedia “Vendi më i humbur në Shqipëri” rikthehet në Tiranë me disa shfaqje në skenën e Teatrit Kombëtar pranë ArTurbinës. Ajo do të vijojë të shfaqet edhe sonte dhe nesër në orën 20:00.
6. “OPEN AIR TIRANA”, FILMA NË KINEMANË E HAPUR TE “REJA”
Në kinemanë e hapur “Open Air” te “Reja” pranë Galerisë Kombëtare të Arteve në Tiranë vijojnë të shfaqen filma. Sonte në orën 20:30 do të shfaqet filmi “The Break-Up”, ndërsa nesër, në po të njëjtën orë do të shfaqet filmi “Shark Tank” me dublim në shqip.
7. FILMAT PËR FËMIJË E TË RRITUR TE “HIMARA OPEN CINEMA”
Java e fundit e gushtit vjen me disa filma për fëmijë dhe të rritur në kinemanë e hapur në Himarë. Sonte në orën 20:15, fëmijët mund të ndjekin filmin “Baby Bos”, ndërsa nesër filmin “The Emperors Neë Groove”. Ndërkohë, në orën 22:15, sonte, për të rriturit shfaqet filmi “40 vjeç i virgjër”, ndërsa nesër “It Ends With Us”.
8. VERË NË KOLONJË”, KONCERT I ORKESTRËS I QENDRËS “FAN NOLI”
“Verë në Kolonjë” vijon programin festiv për muajin gusht. Edhe mbrëmjen e sotme në sheshin “Rilindja” në Ersekë në orën 20:00 do të ketë një koncert nga Orkestra e Qendrës Kulturore “Fan Noli” të Leskovikut.
Komente
