Një studim i ri, i bazuar në imazhet e deklasifikuara të satelitëve spiunë amerikanë të marrë gjatë Luftës së Ftohtë, tregojnë se si akullnajat e Himalajeve po shkrihen me një normë dy herë më të madhe se 20 vjet më parë.
Zbulimi i botuar në revistën shkencore "Science Advances", tregon se akulli i shkrirë nuk është zëvendësuar, gjë që rrezikon seriozisht rezervat ujore të qindra miliona njerëzve në të gjithë Azinë.
Hulumtimi, i cili bazohet në 40 vjet vëzhgime satelitore në Indi, Kinë, Nepal dhe Butan, sjell dëshmi se rreth 4 miliardë ton akulli kanë humbur mes viteve 1975 deri në vitin 2000.
Gjërat u përkeqësuan më tej, nga viti 2000 deri në vitin 2016, një periudhë në të cilën akullnajat kryesore në Himalaje, u shkrinë me dyfishin e shpejtësisë së pritur, duke humbur mesatarisht 8 miliardë ton akulli çdo vit.
Komente
