Të zhytur shumë thellë në axhendën e fëlliqur antikombëtare e ka konsideruar Partia e Lirisë Ramën, në një reagim pas akuzave të tij se qëndrimet e opozitës në lidhje me raportin e Dick Marty janë të ndikuara nga para ruse.
“Tregtari gjakprishur dhe faqezi i kufijve të Kosovës, bllokuesi kryesor i integrimit europian të vendit, është i zhytur shumë thellë në axhendën e fëlliqur antikombëtare. Ndaj e shohim dhe në rolin e zëdhënësit të qarqeve më antishqiptare. Tezat e tij famëkeqe kundër Kosovës (kombi kosovar, mosnjohja e gjenocidit dhe quajtja konflikt humanitar apo operacion ushtarak) që prezantoi para Asamblesë së Përgjithshme të Këshillit të Europës, të gatuara në Beograd me mbështetjen e Rusisë, nuk përbëjnë asnjë surprizë për çdo shqiptar patriot dhe të ndershëm! Bojkotimi që iu bë në Strasburg nuk mbulohet dot me insinuata që nuk trembin më as Lulin. Koha e Llogaridhënies po afron”, shkruan Tedi Blushi në Facebook.
Lajmi kryesor:
Akuzat e opozitës për fjalimin në KiE, Rama: Rublat ‘flasin’ mbrapsht në Tiranë, si në 2011 kur votuan kundër Kosovës! Opozitë e zhytur në thesin e parave ruse
K.T./ReportTv.al