Çështja e përfshirjes së yllit të futbollit në një përdhunim në vitin 2009 ka rezultuar të jetë e vërtetë.
ADN-ja e Cristiano Ronaldos u krahasua me provat e përdhunimit në Las Vegas dhe rezulton të jetë e njëjtë.
Sipas mediave të huaja, ai mësohet t’u ketë thënë avokatëve të tij se ajo i kishte thënë atij ‘Ndalo.’
Futbollistit, 34- vjeçar, iu tha në korrik se ai nuk do të përballet me akuza penale pasi ish-modelja Kathryn Mayorga pretendoi se ajo ishte përdhunuar prej tij në 2009 në një suitë në Vegas.
Ish-modelja amerikane që tashmë është mësuese, pretendoi se Ronaldo e kishte përdhunuar atë në “Hotel Palms Place”, pasi ata u takuan në një natë jashtë dhe ajo ra dakord të kthehej në dhomën e tij.
Në fillim policia nuk arriti të gjente prova të mjaftueshme për të ndjekur penalisht Ronaldon.
Ajo pretendon se avokatët e Ronaldos shfrytëzuan gjendjen e saj mendore në mënyrë që ta detyronin atë të nënshkruante dokumentin e mjë marrëveshjeje me futbollistin.
Në dokumentet gjyqësore të paraqitura në fillim të këtij viti, ekipi juridik i Ronaldos pranoi për herë të parë që Mayorga ishte paguar 375,000 dollarë (290,000 £) në kohën kur ajo bëri për herë të parë akuzat në polici në mënyrë që ‘të ruajë konfidencialitetin e mosmarrëveshjes së tyre’.
Vitin e kaluar Ronaldo tha: “Unë mohoj me forcë akuzat që janë lëshuar kundër meje. Përdhunimi është një krim i neveritshëm që shkon kundër gjithçkaje për të cilën jam dhe besoj”.
Ai gjithashtu ka mbështetjen e nënës së tij Maria Dolores, e cila iu përgjërua fansave që të rivendosnin një foto të djalit të saj në një pelerinë “Superman” për të treguar mbështetjen e tyre për të.
Pas këtyre akuzave futbollisti është shprehur: ”E di që jam një shembull. Unë e di 100 përqind. Në fushë dhe jashtë fushës. Kështu që gjithmonë jam duke buzëqeshur.”
Komente
