TIRANË- Me kërkesë të SPAK, Gjykata e Posaçme kundër krimit dhe korrupsionit dënon me 1 vit burg ish-kryebashkiakun e Hasit, Adem Lala.
Vendimi është dhënë javën e shkuar nga Gjykata e Posaçme me akuzën e shpërdorimit të detyrës nga zyrtari publik.
Sipas vendimit të siguruar nga Report Tv, dënimi ndaj Lalës është konvertuar në shërbim prove si dhe pengimin e tij që për pesë vite të ushtrojë funksione publike.
Adem Lala u vu në hetim nga SPAK pasi sipas prokurorëve, ai u përfshi në aferën e privatzimit në mënyrë të padrejtë të një aseti publik në bashkinë Has, kohë në të cilën ishte kryetar.
Adem Lala mori mandatin e bashkisë Has në 2015, ndërsa së fundmi është përfolur edhe si kandidat i PS-së për deputet në qarkun e Kukësit, kandidim ende i pa konfirmuar zyrtarisht.
Vendimi i GJKKO për dënimin e Adem Lalës
