Andrew Tate, ish-kikboksieri kontrovers i kthyer në influencues të mediave sociale, dhe vëllai i tij Tristan do të zhvendosen nga burgu dhe do të vendosen në arrest shtëpiak në Rumani, ndërkohë që hetimet penale për mbi akuzat për krim të organizuar, trafik njerëzor dhe përdhunim janë në vazhdim.
Urdhri u urdhërua nga një gjykatë rumune të premten, shkruan CNN.
Vëllezërit Tate të cilët mohojnë akuzat u arrestuan në vend në dhjetor 2022, por ndaj tyre ende nuk ka asnjë akuzë zyrtare.
Policia rumune pretendoi vitin e kaluar se vëllezërit dhe të tjerët kishin formuar një grup të organizuar kriminal që shtrihej nga Rumania në Britani dhe Shtetet e Bashkuara me qëllim të trafikimit të qenieve njerëzore.
Autoritetet pretenduan se disa viktima u mashtruan duke besuar se synonin të hynin në një marrëdhënie martese/bashkëjetese ndërsa transportoheshin në Rumani dhe më vonë u shfrytëzuan seksualisht me dhunë fizike.
Të paktën gjashtë viktima dyshohet se janë shfrytëzuar seksualisht nga grupi i organizuar kriminal, sipas një deklarate nga Drejtoria e Rumanisë për Hetimin e Krimit të Organizuar dhe Terrorizmit.
