TIRANË- Gjykata e Posaçme ka lënë në burg pa afat Bledar Zenelin, të akuzuar për "nxitje, thirrje dhe propagandë për kryerjen e veprave me qëllime terroriste” dhe “nxitje të urrejtjes ose grindjeve".
Zeneli është përlotur në sallën e gjyqit, ndërsa ka mohuar akuzat që janë bërë në drejtim të tij. Përmes avokatit, ai tha se kishte publikuar citate të Kuranit, si edhe citime të imamëve të ndryshëm.
"Nuk kam nxitur terrorizëm”, ka shtuar ndër të tjera Zeneli para gjykatës.
Bledar Zeneli u arrestua 2 ditë më parë për kryerjen e veprave terroriste dhe nxitjes të urrejtjes.
Ai dyshohet se nëpërmjet rrjeteve sociale dhe aplikacioneve të ndryshme “Facebook”, “Twitter”, “Telegram”, publikonte artikuj, materiale radikale, ekstremiste, propagandistike dhe statuse, në mbështetje të shtetit Islamik dhe kundra koalicionit global antiterrorizëm.
