Policia rumune po zgjeron hetimin e saj ndaj ish-kampionit të kikboksit, Andrew Tate, duke sekuestruar një sërë makinash luksoze nga kompleksi i tij në Bukuresht gjatë fundjavës dhe duke bastisur shtatë prona të tjera, duke përfshirë një vilë të sapo rinovuar nën malet Karpate. për biznesmenin kanë folur dy vajza që kan dhënë dëshmitë e tyre dhe kanë thënë se Andreë nuk i ka trajtuar kurrë keqm nuk i ka kërcënuar me armë dhe nuk e konsiderojnë veten si viktimë.
Disa e shohin konfiskimin e makinave si një shenjë se autoritetet rumune po përgatiten për fazën tjetër në këtë rast, sigurimin e aseteve si kolateral ndaj pretendimeve të mundshme për dëmshpërblim e viktimave, në rast se Andrew Tate ose vëllai i tij Andreë Tate dënohen për trafikim.
Bastisjet në shtatë prona të tjera javën e kaluar shihen gjerësisht si një shenjë se hetuesit po zgjerojnë kërkimin e tyre për prova në këtë rast. Në qytetin Comarnic, dy orë me makinë në veri, vila Tate, e sapo bastisur nga policia të enjten, ngrihet mbi shtëpitë përreth saj.
Mënyra se si Andrew Tate i bëri paratë e tij është një pjesë kyçe e këtij hetimi. Policia dëshiron të dijë nëse ai joshi gratë në Rumani me premtime për një lidhje serioze ose martesë, përpara se t'i detyronte ose manipulonte të punonin për të si modele në dhomat e bisedave argëtuese për të rriturit. Ata po shqyrtojnë gjithashtu akuzat për përdhunim të bëra nga një prej dëshmitarëve.
Hetuesit kanë konfirmuar se gjashtë gra janë identifikuar si viktima të mundshme. Por javën e kaluar, dy nga gratë në hetim mohuan publikisht çdo keqtrajtim nga vëllezërit Tate. Gratë, të cilat kanë tatuazhe që lexojnë "Property of Tate" dhe "Tate Girl", punonin në kompleksin në Bukuresht, ku Andrew Tate jetonte me vëllain e tij.
Duke folur për kanalin televiziv rumun Antena 1, një nga gratë, e identifikuar si Beatrice tha se ajo kishte qenë "shoqe e mirë" me vëllezërit Tate për dy vjet dhe kishte bërë "Tate Girl" tatuazh në krahun e saj për respekt ndaj tyre.
Gruaja tjetër, Jasmin tha se ajo kurrë nuk e kishte parë Tate ose vëllain e tij Tristan të ishin agresiv ose të pasjellshëm.
"Nuk jam kërcënuar kurrë. Po të isha, nuk do të isha aq budalla sa të rrija në atë shtëpi. Nuk mund të më përshkruani si viktimë në dosjen e rastit nëse nuk jam viktimë” tha Beatrice.
