Tensionet e vazhduara dhe provokimet e drejtuara nga secila superfuqi ishin ende prezente dhe e vetmja gjë që nuk pritej ishte një aleancë e iniciuar pikërisht nga Kina.Pas deklaratës pro së Kinës para pak orësh lidhur me samitin e klimës vijon deklarata e dytë e rralle e Presidentit Xi Jinping ku nëpërmjet një letre drejtuar Komitetit Kombëtar për Marrëdhëniet SHBA-Kinë, kërkon bashkëpunimin mes rivales historike.
Me një samit të tretë midis liderëve të SHBA-së dhe Kinës që pritet javën e ardhshme, presidenti kinez Xi Jinping ka shprehur shpresën e tij se dy superfuqitë mund të gjejnë gjuhën e përbashkët për të bashkëpunuar. Komentet e tij vijnë mes një ftohjeje të theksuar të marrëdhënieve.
“Tani për tani, marrëdhëniet Kinë-SHBA janë në një pikë kritike historike”, tha Xi në një letër drejtuar Komitetit Kombëtar për Marrëdhëniet SHBA-Kinë. Letra u lexua me bazë në Nju Jork në organizatën jo- fitimprurëse vendin ku do të zhvillohet mbrëmja gala të martën nga ambasadori i Kinës në Shtetet e Bashkuara, Qin Gang.
“Të dy vendet do të përfitojnë nga bashkëpunimi dhe do të humbasin nga konfrontimi. Bashkëpunimi është zgjedhja e vetme e duhur. Duke ndjekur parimet e respektit të ndërsjellë, bashkëjetesës paqësore dhe bashkëpunimit të favorshëm, Kina është e gatshme të punojë me Shtetet e Bashkuara për të rritur shkëmbimet dhe bashkëpunimin në të gjithë bordin”, shkruhej në letrën e liderit kinez.
Letra vijojnte duke shprehur synimet e Kinës nga kjo aleancë që aspironte të ishin të shëndetshme.
“Të trajtojmë së bashku çështjet rajonale dhe ndërkombëtare, si dhe sfidat globale dhe të menaxhojmë siç duhet dallimet, në mënyrë që të kthejmë marrëdhëniet Kinë-SHBA në rrugën e duhur të zhvillimit të shëndoshë dhe të qëndrueshëm".
Letra vjen mes raportimeve se Xi Jinping dhe presidenti i SHBA-ve Joe Biden do të mbajnë një konferencë javën e ardhshme. Kur kryediplomatët e tyre u takuan në Zvicër muajin e kaluar, ata u zotuan të mbajnë një samit përpara fundit të vitit dhe ndërsa asnjëra nga qeveria nuk ka konfirmuar raportet se takimi do të jetë javën e ardhshme, Politico të mërkurën dha raportin më të saktë deri më tani, duke thënë se një zyrtar amerikan i informoi ata se ishte planifikuar paraprakisht për të hënën.
Marrëdhëniet SHBA-Kinë janë përkeqësuar ndjeshëm në pesë vitet e fundit, me Biden që vazhdoi politikën e vendosur nga paraardhësi i tij, Donald Trump, për të ndjekur konkurrencën e fuqive të mëdha me Rusinë dhe Kinën. Me gjigantin socialist të identifikuar nga Uashingtoni si rivali kryesor i SHBA-së për shekullin e 21-të dhe një pasardhës aspirues i SHBA-së si një fuqi udhëheqëse botërore, SHBA-të kanë ndjekur një axhendë gjithnjë e më antagoniste, duke akuzuar Kinën për abuzime të popullsisë së saj, agresion ndaj skenës ndërkombëtare dhe praktikat e padrejta në biznes dhe tregti.
Tensionet e SHBA-ve dhe KInës lidhen edhe me çështjen e Tajvanit, ku pak momente më parë mediat e huaja botuan raportin e hyrjes së trupave amerikane në Tajvan gjë që nuk i pëlqeu Kinës, e cila e konsideroi si një provokim të SHBA-ve.
G.MO/ReportTv.al