Policia greke ka arrestuar një person ditën e djeshme pasi kishte bërë një telefonatë ku jepte alarm për bombë në një prej gjykatave. Telefonata e tij alarmoi të gjithë trupën gjykuese dhe qytetarët që ndodheshin pranë gjykatës.
Policia evakuoi zonën përreth dhe qentë e trajnuar u çuan në vendngjarje për të kontrolluar lidhur me bombën që u paralajmërua.
Në fund rezultoi se telefonata kishte qenë një mashtrim, ndërsa 51 vjeçari i arrestuar deklaroi se thjesht kishte bërë një shaka.
Mediat greke, bëjnë me dije se i arrestuari akuzohet për kërcënim të rendit publik dhe prishje të seancave gjyqësore. Dy javë më parë, incidente të ngjashme ndodhën në Chania , në Muzeun Arkeologjik dhe në një supermarket .
Duhet theksuar se shaka të tilla në Heraklion kanë ndodhur edhe në fund të tetorit me një zë femëror që paralajmëronte ekzistencën e një bombe.
