Kryeministri Albin Kurti tha se kabineti i tij ka mbajtur qëndrim tjetër. “Ne këmbëngulim që të sjellurit mirë me një autokrat nuk e bën atë sillet më mirë përkundrazi”, tha ai.
Të dërguarit e SHBA-së dhe BE-së për bisedimet Kosovë-Serbi – përkatësisht Gabriel Escobar dhe Miroslav Lajçak – “vijnë tek ne me kërkesa, me kërkesat e palës tjetër”, tha ai në një intervistë për Associated Press.
Së fundmi serbët etnikë u përleshën me policinë e Kosovës dhe më pas me forcat paqeruajtëse të KFOR-it të udhëhequr nga NATO, duke lënë 30 ushtarë dhe mbi 50 serbë të plagosur dhe duke provokuar frikën e rinovimit të konflikteve të përgjakshme në rajon.
Lars-Gunnar Wigemark, kreu në largim i Misionit të BE-së për Sundimin e Ligjit, i njohur si EULEX, tha se gjatë konfrontimit të dhunshëm të javës së kaluar "disa ushtarë të KFOR patën lëndime shumë të rënda"
“Ishte dhunë e keqe. Të gjithë thonë se jemi me fat që nuk ka pasur viktima.”
Pasi ushtarët u plagosën javën e kaluar, NATO tha se do të dërgonte 700 trupa shtesë në veri të Kosovës.
Ëigemark tha se do të vijë koha kur policia civile e EULEX-it, e cila nuk ka më kompetenca ekzekutive, por vetëm "monitorimin dhe udhëzimin e policisë së Kosovës", nuk do të jetë e nevojshme në Kosovë.
“Por ende nuk kanë ardhur kushtet,” tha ai.
Diplomati evropian nuk përjashtoi mundësinë që NATO të mund të vendosë “mijëra trupa ushtarake” në Kosovë.
"Nëse situata po bëhet gjithnjë e më e paqëndrueshme, nëse fillon të përshkallëzohet përsëri, sigurisht, ky është një opsion."
Përplasjet erdhën pas një konfrontimi të mëparshëm pasi kandidatët shqiptarë etnikë që u shpallën fitues të zgjedhjeve lokale në veri të Kosovës hynë në ndërtesat komunale për të marrë detyrën dhe u bllokuan nga serbët.
Brukseli i ka kërkuar Kosovës që të tërheqë forcat e saj speciale të policisë nga veriu i Kosovës, ku jeton shumica e pakicës etnike serbe, dhe të mbajë zgjedhje të reja.
Në shkurt dhe mars, Kosova dhe Serbia arritën një marrëveshje të lehtësuar nga BE për normalizimin e marrëdhënieve, me një plan 11-pikësh për zbatim. Procesi mbetet në fokus të bisedimeve të ndërmjetësuara nga të dërguarit nga Uashingtoni dhe Brukseli.
Kurti këmbëngul se forcat speciale të policisë nuk mund të "zvogëlohen" derisa bandat kriminale serbe ose të largohen nga vendi ose të arrestohen. Ai tha se do të kishte paqe në Kosovë nëse nuk do të kishte “urdhra për dhunë nga Beogradi”.
“Fuqitë perëndimore nuk duhet të kënaqin Beogradin, problemin rrënjësor të dhunës në Ballkanin Perëndimor, tha Kurti për gazetarin Llazar Semini të AP.
Kurti u ankua se edhe për zgjedhjet e parakohshme të prillit në katër komunat veriore me shumicë serbe, “ndërmjetësuesit ndërkombëtarë, lehtësuesit evropianë na dështuan”.
Ai tha se ata i kërkuan Kosovës që të bënte ndryshime zgjedhore, por nuk ushtronin presion mbi partinë e vetme politike të serbëve etnikë për të marrë pjesë në votim.
Ai tha se do t'i duhej ndihma e bashkësisë ndërkombëtare për të nxitur pluralizmin politik në pakicën etnike serbe "për një konkurrencë të ndershme, për një garë demokratike për kryetarët e rinj të bashkive".
“Ne nuk mund të përballojmë një proces tjetër ku kandidatët serbë e bojkotojnë atë disa ditë para fillimit të zgjedhjeve, sepse kështu urdhëron Beogradi,” tha ai.
Ëigemark, i cili gjithashtu ka shërbyer në Bosnje-Hercegovinë, tha se ishte jetike që "këto lloj incidentesh të mos lejohen të shpërthejnë e të kalojnë në një lloj konflikti të armatosur".
“Dialogu i vazhdueshëm ndërmjet Beogradit dhe Prishtinës, ky është vendi për të zgjidhur shumicën e çështjeve të pazgjidhura,” tha ai.
Komente
Qe kane lobuar serbet dhe grenell as qe diskutohet. Ama edhe ne na duhet te kerkojme associacionin tone te presheves. Sa per associacionin serb ne Kosove….ka lloj lloj menxyrash qe mund te anash kalohet dhe te tregohet qe serbet duan thjeshte gjenocid. Na duhet te fillojme ca ceshtje gjenocidi sa per te testuar mbarevajtjen e gjykatave nderkombetare te te drejtave te njeriut. Jam pak kurjoz se sa te vullnetshem jemi per te lejuar te tjeret te na dergjin gjykatave dhe ne nuk zvarrisim askend ndermjet ketij sistemi.
Përgjigju