TIRANË- Aleanca për Mbrojtjen e Teatrit ka publikuar një letër ku shkruhet se 20 deputetë të Parlamentit Evropian dënojnë shkatërrimin e Teatrit Kombëtar, si një vlerë e rëndësishme historike dhe kulturore e Shqipërisë, pjesë e trashëgimisë kulturore evropiane.
Në këtë letër, të publikuar në faqen e tyre zyrtare, shkruhet se këta deputetë i kërkojnë Komisionit Evropian të shprehë një qëndrim të qartë mbi këtë cështje, duke dënuar shkatërrimin e këtij siti kulturor dhe për vëmendje të shtuar ndaj trashëgimisë kulturore në Shqipëri.
Letra e plotë
Në vëmendje të: Joseph Borrell Fontelles, Përfaqësues i Lartë dhe Zëvëndës President i Komisionit,
Margaritis Schinas, Zëvendës Presidente e Komisionit, përgjegjëse për “Promovimin e mënyrës evropiane të jetës”.
Mariya Gabriel, Komisionere për Inovacionin, Kërkimin, Kulturën, Edukimin dhe të Rinjtë
Oliver Varhelyi, Komisioner për Politikat e Fqinjësisë dhe Zgjerimit
Bruksel, E enjte, 28 Maj 2020
Z. Përfaqësues i Lartë,
Z, Zëvëndës-President
Zonja dhe Zotërinj Komisionerë,
Në datën 17 Maj, në Shqipëri, një sulm i rëndë u krye ndaj kulturës, demokracisë dhe shtetit të së drejtës. Në kontekstin e vecantë të pandëmisë COVID-19 dhe pasi izolimit po i vinte fundi, autoritetet bashkiake të Tiranës morën një vendim brutal për shkatërruar, në orët e para të mëngjesit, Teatrin Kombëtar të Tiranës, deri atëherë e zënë nga shumë artistë, intelektualë dhe përfaqësues të shoqërisë civile, të cilët kanë qenë duke luftuar për mbrojtjen e saj për shumë vite, disa prej të cilëve u arrestuan. Edhe pse ky teatër, ndërtuar 80 vite më parë, kishte nevojë për t’u restauruar, ishte pjesë e trashëgimisë të Shqipërisë. Dëshmitar i historisë së Shqipërisë, plagëve të saj. I ndërtuar gjatë pushtimit italian, ai shndërruar në vitet e fundit të historisë së vendit si një parajsë e lirisë së shprehjes dhe jetës kulturore.
Duhet të kujtojmë që ishte njohur si një nga “7 sitet më të rrezikuara në Evropë” nga Organizata Joqeveritare e Trashëgimisë Europa Nostra, gjatë këtij viti më 24 Mars. Autoritetet shqiptare argumentuan se Teatri do të rindërtohej si pjesë e projekti të ri urban, pa marrë në konsideratë vlerat e tij historike dhe kulturore, dhe mbi të gjitha pa asnjë dialog me popullsinë, grupet e interesuara të trashëgimisë dhe botën e kulturës. Dialog, i cili u kërkuar nga Komisionerja Gabriel disa ditë përpara shembjes.
Vlerat evropiane duhet të mbrohen dhe shpërndahen në të gjitha kontinentin. Prandaj, ne bëjmë thirrje për një vëmendje të shtuar ndaj trajtimit të trashëgimisë kulturore në Shqipëri. Ne, si Anëtar të Parlamentin Evropian, iu kërkojmë të shprehni një pozicion të qartë të Bashkimit Evropian mbi këtë cështje, fillimisht duke dënuar shkatërrimin e këtij siti kulturor, dhe në marrëdhëniet me shtetet tona fqinje, të promovoni një politikë që respekton trashëgiminë. Në pritje të përgjigjes tuaj, ju lutem pranoni, Z. Përfaqësues i Lartë, Z. Zëvëndës-President, Zotërinj dhe Zonja Komisionerë, shprehjen e konsideratave tona më të larta.
Letra e publikuar nga Aleanca per Mbrojten e Teatrit
Komente
Deputetet evropiane e KE do bejne nga nje deklarate ku denojne shembjen dhe kaq,pse si kujtojne keta se do ti dergojne ne gjyq?Evropa mezi levizi per Milloshevicin e do levize per teatrin?
PërgjigjuNe parlamentin e BE-se ja 705 deputete,peshe te madhe kane 20 deputet per Aleancen e Teatrit,qe nuk dihen se a e kane idene nga bie Shqiperia.Une nuk po e kuptoj se si ka mundes,qe akoma kaq shume njeres qe mendojne qe mund te manipulojne Shqiptaret me ide,e iniciativa te fillimit te viteve 90.
PërgjigjuPo mor zoterinj Po ai iku bashke me idealet qe mbrojtet 2 vjet Apo me shum a me Pak... Se kuptoj pse kembengulni me kot ate qe that e bët ate qe tha e bëri... Nese mbani mend mbikalimi zogu i zi inovacion per kohen I tha ai ne krye do shembet u shemb edhe pse kishte me potence se ju ai qe sundon sot ishte kryetari bashkise... Edhe pale I tha le te vij te laj mekatet edhe eshte nje kaus tani shatervani zogu I ketyre moter respektuarve klase politike degjenerata. Kush eshte I ndergjegjshem nuk merret me teatrot legjenda te shkuara edhe kujtim por I tregon we forcen e ka populli sepse pa ne ato skan asgje ne duar Mona liza likja lulushat me shoke salinj e edi mbret e ngjyra road por ne edhe vetem... Deri atehere takohemi me komentin e rradhes se cudira edhe idiotsi eshte vendi perfekt Skiperia e bukur...
Përgjigju