Kryeministri Edi Rama ironizoi sot përmes një videoje në rrjetet sociale koalicionin e Partisë Demokratike me 25 parti të tjera për zgjedhjet parlamentare të 11 majit,Partia Demokratike - Aleanca për Shqipërinë Madhështore'
Rama e quan “Fronti i Noc Rrokut” teksa ndau një video me 4 bufë, ku dëgjohet kreu i PD, Sali Berisha.
Më herët, Rama gjatë rubrikës “Sy më Sy”, u shpreh se PD sot së është një kënetë me një buf dhe gjithëfarësoj speciesh.
“Prisni kur t’ju shfaqet lista e deputetëve dhe shihni pak atë listën e mbyllur. Aty m’u përqendroni. Ajo lista e mbyllur e “kënetës” është me speciet më të ulëta të politikës, të faunës politike, prapë aty do t’i kemi thotë “këneta”, tha Rama.
Koalicioni “PD-Aleanca për Shqipërinë Madhështore” që do të drejtohet nga selia blu e Sali Berishës e që ka në përbërje 25 parti të vogla, u mbajt peng deri në fund nga negociatat e vështira me Shpëtim Idrizin, të cilit do t’i jepet një mandat në listë të mbyllur, përkundrejt dëshirës së tij për 2 deputetë të sigurt.
Më i përkëdheluri i koalicionit është Ilir Meta, logoja e të cilit ka 4 vende të sigurta në parlament sipas marrëveshjes. Aleatët e tjerë të vegjël do të qëndrojnë në kuotën e 1 mandati të sigurt për Mediun, Dulen dhe PAA e Agron Dukës duke çuar në 8 numrin e mandateve të deputetëve që i falen aleatëve, por të gjithë do të kenë mundësi të fusin në lista të hapura kandidatë.
Komente
AHAHAHAHA. JE I MADH EDI RAMA...BUFAT E KENETES
Përgjigju