Deputeti i Partisë Socialiste, Alket Hyseni përmes një statusi në Facebook ka cilësuar si premtim të mbajtur reformën e pronës e cila ka nisur 4 vite me parë.
Ai ka shkruar se në këtë proces 4 vjetor është bërë evidentimi i problematikave të akumuluar prej vitesh të pronësisë, të cilat sillnin pasiguri juridike.
Ai shkruan se është bërë një reformë e plotë e legjislacionit, institucioneve dhe mentalitetit, dhe nisi puna për hartimin e ligjeve të reja.
Hyseni në fund ka theksuar se ky është një premtim i mbajtur i Edi Ramës dhe i Partisë Socialiste, dhe se puna e bërë është një garanci që ky proces ka nisur për të mos u ndalur deri në regjistrimin e tapisë së fundit të çdo personi.
Komento
