Seria A luan sonte një prej betejave më interesante të kampionatit, pasi në orën 20:45 do të vihen përballë Juventus dhe Roma, ose ndryshe Allegri kundër Mourinhos. Në tabelën e klasifikimit verdhekuqtë qëndrojnë më lart se ‘zonja e vjetër’ me katër pikë më shumë, por Juventus ka një marsh të frikshëm pas krizës së fillimsezonit.
Të besuarit e Allegrit kanë 3 fitore radhazi, por për të katërtën ka shumë pikëpyetje. Allegri do të duhet t’ia dalë pa Alvaro Moratën e dëmtuar, ndërsa Rabiot është në pikëpytje edhe pse e ka kaluar COVID-in. Nga ana tjetër edhe Paolo Dybala nuk jep shpresë për këtë supersfidë, ndërsa Roma përveç Spinazolës vuan edhe dëmtimin e Smalling. Abraham me shumë mundësi do ta nisë nga stoli, ndërsa sipas 'special 1' Juventus mbetet pretendenti kryesor për të fituar kampionatin.
Ne.k.//ReportTv.al