Ish-Miss Shqipëria Almeda Abazi dhe bashkëshorti i saj Tolgahan janë bërë për herë të parë prindër të një djali. S’mund të ishte një ditë më e bukur se e sotmja për Tolgan dhe Almedën. Çifti i njohur janë bërë prindër për herë të parë ditën e parë të Ramazanit. Sipas mediave turke, Almeda e ka sjellë në jetë djalin që e kanë pagëzuar me emrin Efehan, në orën 05:21 minuta të kësaj të diele. Vogëlushi peshon 3 kilogramë e 285 gramë dhe është 50 cm i gjatë.
Pak pas lindjes, janë regjistruar edhe fotot e para të Almedës dhe Tolgës, të cilat kanë nisur të shpërndahen me shpejtësi në rrjet.
Mediat turke kanë arritur "t’i vjedhin” aktorit të njohur edhe emocionet e para pasi ka marrë zyrtarisht statusin e babait: “Jam shumë i lumtur…” – ka thënë ndër të tjera Tolga duke shtuar se akoma nuk e ka marrë veten nga emocionet.
Ndonëse mes gjithë të afërmve të çiftit ka qenë edhe fotografi i tyre për të regjistruar momentet e para pas lindjes, ende ata të dy nuk e kanë ndarë me rrjetin foton zyrtare të vogëlushit.
Megjithatë, këto çaste të para pas lindjes dhe festën e mirëpritjes së Efehan-it mjaftojnë për të kuptuar se me sa padurim Almeda dhe Tolga e kanë pritur këtë ditë të veçantë të jetës së tyre.
Komente
