TIRANË- Kryeministri Edi Rama dhe ambasadorja e SHBA-së, Yuri kim kanë zhvilluar ditën e sotme një takim, në fokus të së cilit ka qenë marrëdhënia mes 2 vendeve si edhe mënyrat për ta përforcuar edhe më tej këtë bashkëpunim. Referuar njoftimit zyrtar të publikuar nga ambasadorja e SHBA-së, thuhet se Kim ka vlerësuar rolin e Shqipërisë në rrafshin ndërkombëtar, që ka të bëjë me punën e saj në Këshillin e Sigurimit të Kombeve të Bashkuara, apo edhe qëndrimet që ka mbajtur për tensionet në veri të Kosovës.
"Ambasadorja Kim u takua me kryeministrin Rama më 12 dhjetor për të rishikuar arritjet në marrëdhënien SHBA-Shqipëri gjatë vitit 2022 dhe për të diskutuar mënyrat për të vazhduar forcimin e bashkëpunimit tonë në fushën e demokracisë, mbrojtjes dhe biznesit gjatë vitit 2023. Ambasadorja Kim shprehu vlerësimin e Shteteve të Bashkuara për udhëheqësinë dhe kontributet e rëndësishme të Shqipërisë gjatë vitit të parë të saj në Këshillin e Sigurimit të Kombeve të Bashkuara. Roli i Shqipërisë në KSKB ka qenë me rëndësi kritike për çështje të rëndësishme globale, përfshi mbështetjen e Ukrainës përballë pushtimit nga Rusia.
Ambasadorja Kim njohu kontributet e Shqipërisë në integrimin dhe stabilitetin rajonal, përfshi gjatë thirrjeve të Shqipërisë për vetëpërmbajtje në veriun e Kosovës. Shtetet e Bashkuara dhe Shqipëria kanë dënuar të gjitha sulmet ndaj agjencive kosovare dhe ndërkombëtare të sigurisë si dhe kërcënimet për dhunë dhe kanosje, si dhe shprehën mbështetje të plotë për KFOR-in dhe EULEX-in. Shtetet e Bashkuara dhe Shqipëria kanë nxitur palët që të punojnë brenda kuadrit të Dialogut të lehtësuar nga BE-ja për të zgjidhur çështjet që përbëjnë shqetësim”, thuhet në njoftimin e Ambasadës.
Një vëmendje të rëndësishme pati edhe reforma në drejtësi, ku palët, ambasadorja dhe kryeministri Edi Rama kanë ndarë të njëjtin mendim se institucionet e drejtësisë duhet të jenë të pavarura.
“Në këtë kontekst, ata diskutuan arritjet, si dhe sfidat, në zbatimin e reformës në drejtësi në Shqipëri. Iinstitucionet e drejtësisë të Shqipërisë të jenë të pavarura dhe të guximshme në ushtrimin e detyrave dhe përgjegjësive të tyre”, thuhet në njoftim.
Nuk u la jashtë vëmendjes edhe samiti i 6 dhjetorit, ku Tirana u shndërrua në kryeqytetin Europian, për të cilën diplomatja amerikane ka shprehur vlerësimin e saj, e thekson se ardhmja e Shqipërisë së në BE.
“Ambasadorja Kim i përcolli përgëzime të ngrohta kryeministrit për mikpritjen e suksesshme të Samitit historik BE-Ballkani Perëndimor në Tiranë, duke vërejtur se është hera e parë që një samit i tillë është zhvilluar jashtë Brukselit. Ajo ritheksoi se Shtetet e Bashkuara mbështesin vendosmërisht integrimin e plotë të Shqipërisë si anëtare e BE-së”, thuhet ndër të tjera.
Në fund të takimit, palët kanë dalë me të njëjtin qëndrim se marrëdhëniet SHBA-Shqipëri janë më të forta se kurrë.
Komente
Une e lexoj keshtu: ka vajtur te Rama qe ti thote leri nderhyrjet per kreun e ri te spak. Nuk do zgjidhet njeriu jot. Per ta mar me te mire i ka njihur gjithe “meritat” ne politiken e jashtme ku ai i ka disa te tilla…por a e ha Rama ate kumbull? Te dy qeshin, por perbrenda ziejne…haha
Përgjigjukur te ikesh merr me vete ed ramen edhe ahmetajn se te dy jan shum te ndershem si puna jote shoku kim
PërgjigjuHex përpara Edi Rama je burr i rall i Shqipris. SHQIPRIA me ty ka shum prospektiv qeni Salhe le të lefi nat dit hum, hum se një top të madh tum do haj Sali damllaja.
Përgjigju