Ambasadorja e SHBA në Tiranë, Yuri Kim, ka njoftuar përmes një postimi në twitter se ka zhvilluar sot një takim Drejtorin e ri të Përgjithshëm të Doganave, Gent Gazhelin, i cili ka më pak se dy muaj që ka marrë detyrën.
Ambasadorja Kim shkruan se në takim është rënë dakord për bashkëpunim në luftën kundër krimit të organizuar dhe korrupsionit.
“Unë u takova me Drejtorin e ri të Përgjithshëm të Doganave, Gent Gazhelin, për të diskutuar rëndësinë e lehtësimit të biznesit të ligjshëm, sigurimin e sigurisë dhe kontrollit në lëvizjen e mallrave, si dhe sigurimin e përgjegjësisë. Ne ramë dakord për të rritur bashkëpunimin për të ndaluar krimin e organizuar dhe korrupsionin”, shkruan ambasadorja amerikane.
Kujtojmë se ish-ambasadori i Shqipërisë në Turqi, Genti Gazheli, është emëruar në krye të Drejtorisë së Përgjithshme të Doganave në fund të muajit shtator.
Më herët Gazheli ka qenë në krye të Albpetrolit, ndërsa në 2013 ka qenë edhe drejtor i Parandalimit të Pastrimit të Parave.
Komente
Kimi tu befsha si do e luftosh krimin ti kur Gazheli eshte hajdut me stilolaps.Qenke ulur ne nje tavoline me kryehajdutin e doganave dhe nuk e keni arrestuar?! Me fal ke do arrestoni sps e keni aty ne tavoline. Ke frike te hedhesh nje praktike doganore se te marin doganieret ne tel edhe te thone sa euro jep ky subjekti. Edhe ndonje qe don te punoje ndershmerisht se lene dognieret e Gazhelit, se do kafen cdo muaj ai. Kulmi me i madh ishte kur ka vene disa palo kryetar degesh, qe ne vend te lexojne ligjet duhet te meren me llafe grash sesi duhet te veproj. Do presim sa te meret me llafe kryetari i deges e te dalin kamionat. Gent Gazheli ke dhene fakte qe sje per keto pune dhe nje pikepyetje te madhe na ke lene ne mendje. Mos valle ka nderruar orientim kryeministri qe te ka kaq qef?!
Përgjigju