Zgjedhjet parlamentare të 2025 do të mbahen mend, ndër të tjera, si zgjedhjet ku fushata nga partitë politike ka nisur shumë herët, ndërsa është intensifikuar në 2 muaj para 11 majit, me një gjuhë të ashpër akuzash, shifrash dhe epitetesh.
Për të folur mbi gjuhën e përdorur nga partitë politike në fushatë dhe të tjera, analisti Ilir Demalia ishte i ftuar në “Frontline” me Marsela Karapançon në Report Tv.
Demalia theksoi se nëse i referohemi shifrave, Shqipëria ka shënuar një progres të pa përjetuar më parë, në zhvillimin urban dhe turizëm. Gjithashtu, analisti theksoi se imazhi i Shqipërisë në arenën ndërkombëtare është përmirësuar në mënyrë të ndjeshme për çdo shqiptar..
"Nëse do i referohemi shifrave padyshim që Shqipëria ka një ndryshim total në këto 12 vjet, në kuptimin e zhvillimit urban, qyteteve, në kuptimin e turizmit, por nga ana tjetër, kjo qeverisje, tre mandate janë shumë. Por nuk nuk janë shumë kur ke përballë një opozitë si kjo opozitë që është sot. Edhe kjo opozitë ka qenë në pushtet.”
“Unë mendoj që këtu jo vetëm integrimi, por Rama i ka kushtuar shumë kohë integrimit dhe marëdhënieve me ndërkombëtarët, në kuptimin që e ka ngritur në nivelin e Shqipërisë. Shqipëria ka më shumë autoritet se çka pasur para 15 apo 20 vitesh në botë.”
Për Demaliajn, goditjet e SPAK ndaj zyrtarëve dhe politikanëve të korruptuar që janë aktualisht në pushtet janë për t’u vlerësuar, por tha se reflektohet një sjellje me standard të dyfishtë e këtij institucioni, pasi SPAK duhet të ketë prioritet hetimin për ndëshkimin e masakrave të kryera në kohën e Sali Berishës, të cilat kanë marrë dhjetëra jetë njerëzish.
"Ne tani s’mund të kishim arrestimin e Veiajt dhe Veliaj bëri ato sjellje që bëri kundër SPAK-ut, mirëpo krahasuar me akuzat që i ka bërë Bersha SPAK-ut, ato nuk janë asgjë. A mos kemi një standart të dyfishtë të SPAK, kjo më shqetëson.”
“Kemi të bëjmë me vrasje që nuk ka akoma përgjegjës, kemi të bëjmë me piramidat, kemi të bjëmë me Gërdecin, kemi të bëjmë me 4 të vrarë në bulevard.”
SPAK-u sot rri sikur nuk ka ndodh asgjë, kur ne i dimë të gjitha, u bë dhe film në amerikë për Shkëlzenin dhe Gërdecin. Ndërsa Mediu masohet që po takoj senator në Amerikë. Është një proves që të duket se nuk ka vullnet për ta ndjekur dhe për t’u bdëshkuar.”
“Kemi dy standarte, përderisa sillet me një mënyrë të tillë më Metën dhe Veliajn, Mediun e lë në fushë të lirë.”
Komente
SPAK ESHTE I SHITUR TEK DJALLI, BANDITI BERISHA -KARAXHIXH...JO SE NUK KA VULLNET TE HETOI FAMILJEN ME MAFIOZE NE BOTE
Përgjigju