TIRANË- Pas debatit të shkaktuar në politikë mbi kullën ‘Mali i Tiranës’ që do të ndërtohet pas Teatrit të Operas dhe Baletit, anëtarët e Këshillit Bashkiak të Partisë Demokratike i janë drejtuar me një kërkesë kryebashkiakut Erion Veliaj ku i kërkojnë informacion për lejet e ndërtimit të dhëna në Tiranë gjatë periudhës 2015-2023.
“Kërkesa që anëtarët e Këshillit i kanë drejtuar Veliajt është publikuar edhe, Lulim Basha, i cili shkruan se Bashkia e Tiranës e ka detyrim të bëjë transparencë për lejet e dhëna. Kreu i PD thotë se mbi 2 miliardë euro janë pastruar në sektorin e ndërtimit dhe për këtë i bën thirrje SPAK që të hetojë në mënyrë që Tirana të mos jetë oaz i krimit dhe politikanëve të korruptuar.
Mbi 2 miliardë euro janë pastruar në sektorin e ndërtimit në Shqipëri sipas raporteve ndërkombëtare. Departamenti Amerikan i Shtetit në raportin e tij konstaton se Shqipëria është "destinacion kryesor i pastrimit të parave". Në 2020, Iniciativa Globale kundër Krimit të Organizuar Transnacional (GITOC) konstatoi se ndërtimet në Shqipëri ishin një mënyrë e preferuar për pastrimin e parave.
Në 2021, arrestimi i dhjetëra anëtarëve të Ndranghetës në Itali zbuloi lidhjet e tyre me sektorin e ndërtimit në Shqipëri. Përgjimet si pjesë e hetimit zbuluan se njëri prej të dyshuarve ka deklaruar: “Në rrokaqiejtë e rinj, çmimet shkojnë rreth 3800-4000€ për metër katror. A e dini sa është kostoja e vërtetë? 510€.” Ndonëse SPAK nisi një hetim paraprak në shkurt të vitit 2021, nuk ka akoma asnjë të dhënë se çfarë po ndodh me këtë hetim”, shkruan Basha.
Basha shkruan se shumica e kompanive të ndërtimit që kanë marrë leje ndërtimi vitet e fundit në Tiranë nuk kapacitetet financiare për t’i përfudnuar projektet. Basha ngre disa pyetje, nga vijnë këto para, kush fshihet pas këtyre kompanive dhe paratë e kujt po pastrohen në ndërtimet në Tiranë.
“Miliona metra katrorë leje ndërtimi raportohen se janë dhënë në Tiranë vitet e fundit. Shumica e kompanive nën emrin e të cilave merren lejet e ndërtimit nuk kanë kapacitetet financiare për t'i përfunduar ato. Bilanci i kompanive tregonte se ato kanë të ardhura minimale dhe nuk kanë asete apo kredi që mund të përdoren për financimin e projekteve. Nga vijnë këto para? Kush fshihet pas tyre? Kush dhe si i siguron lejet e ndërtimit në emër të këtyre kompanive modeste? Paratë e kujt po pastrohen me ndërtimet në Tiranë?
Partia Demokratike përmes këshilltarëve të saj në Tiranë ka kërkuar të dhëna të plota mbi lejet e ndërtimit në kryeqytet. Bashkia e Tiranës e ka detyrim të bëjë transparencë për lejet e dhëna, ndërsa SPAK duhet të ndërmarrë një hetim të thellë e të papenguar në mënyrë që Tirana të mos jetë oaz i krimit dhe politikanëve të korruptuar që pastrojnë paratë në sektorin e ndërtimit”, shkruan Basha.
Kujtojmë që vetëm pak ditë më parë Partia Demokratike depozitoi në SPAK dosjen për kullën me 65 kate “Mali i Tiranës”. Projekti do të ndërtohet nga “Nova Construction 2012” e cila rezulton me pronar 91% të aksioneve Ilir Shtufin dhe 9 % Kujtim Shtufin, ndërsa do të zbatohet nga studio daneze e arkitekturës “Cebra”, që u shpall fituese mes 5 kompanish në garë më 1 tetor 2022.
Komente
Po kush mu.....n je ti more kriminel te te japi informacion Ty, te duket veptja akoma se je kur ishe ushtar i kryekriminel sali berishes apo komandant i skuadees vrstare ne Elbasan me ate qe ban idiotin bardhziu, po ik o plehre i ndyre ani tash ke filluar te vesh edhe bluza si Zelenski siq e veshi edhe mender presednike osmanka nje her ne kosove, po bluza dhe lyerja e flokeve ste ban njeri o kriminel as hesja e kilave si osmanka por as kinse diferencimi nga baba yt politik kryekriminel sali berisha.
PërgjigjuKy eshte loqe komplet.i del gjumi dhe kujtohet per lejet.na nxirr pak letrat ke rruga kombit qe i le si gjysma gjel.ik se sta kemi ngen dhe ty
Përgjigju!Pikëcuditëse!
Përgjigju