Angela Merkel ka marrë një propozim për punë nga Sekretari i Përgjithshëm i OKB-së, Antonio Guterres. Sipas raportimeve, Merkel-it i është ofruar një post drejtues në një organ këshillues në Nju Jork. Bild raporton se Guterres po i ofron ish-kancelares gjermane që të kryesojë organin këshillues të nivelit të lartë për të mirat publike globale në OKB.
Ka pak gjasa që drejtuesja e Gjermanisë për 16 vite të pranojë ofertën. Bordi për mallrat publike është një nga projektet kryesore të Guterres për reformën e OKB në mandatin e tij të dytë.
Merkel ende nuk i është përgjigjur propozimit të bërë ndërsa përfaqësuesit e OKB-së gjithashtu nuk kanë pranuar të komentojnë të tjera detaje për propozimin ndaj ish-kancelares.
Angela Merkel pas 16 vitesh në pushtet u largua nga zyra e kancelarit ndërsa në vend të saj u zgjodh Olaf Scholz.
