Angli-Një 14 vjeçar është qëlluar për vdekje me thikë sot, më 7 janar, teksa po lëvizte në një autobus të linjës 472 në Londër, Angli.
Ngjarja tragjike u regjistrua në rrugën Woolwich Church pranë kryqëzimit me ‘South Circular Road’ A205, ndërsa policia u njoftua rreth orës 14:30.
I mituri ndërroi jetë vetëm pak kohë pas mjekët nga Shërbimi i Ambulancës së Londrës dhe ambulancës ajrore mbërritën në vendngjarje.
Deri tani nuk është bërë asnjë arrestim në lidhje me rastin, por policia ka vendosur një posto-bllok dhe ka mbyllur rrugën.
Ndërkohë disa nga qyetarët janë shprehur se kjo ndodhi është tragjike.
“Nuk mund ta besoj që një djalë është vrarë me thikë në autobus. A është e rrezikshme të lëvizësh me autobus tani”, citon Daily Mail.
Komento
Komente
