Në ‘Veltis Arena’ të Gelsenkirshenit Anglia do kërkojë sot, duke nisur nga ora 18:00, të sigurojë kualifikimin në çerekfinalet e Evropianit, teksa përballë në 1/8 do ketë Sllovakinë. ‘Tre luanët’ ndryshe nga herët e tjera, nuk e kanë nisur me shkëlqim në grup dhe nuk janë shprehur me siguri për fitimin e kompeticionit, por mbeten super favoritë në këtë përballje.
Sllovakia është kualifikuar si e treta më e mirë në grupin E, ndërsa në përbërje i mungojnë yjet. Si Çekosllovaki në një rast kanë arritur ta fitojnë Evropianin, por që nga ndarja nuk kanë mundur të shkojnë më shumë se raundi i të 16-ve. Sot pretendojnë që ndaj Anglisë të bëjnë jo vetëm mrekullinë, por edhe historinë.
Nga ana tjetër edhe Anglia kurrë s’e ka fituar Evropianin, ndërsa janë nënkampionë në fuqi. Për fatin e mirë të trajnerëve, si ai i Anglisë Southagatë dhe ai i Sllovakisë Calzona, nuk kanë asnjë mungesë në këtë përballje. Fituesin e 1/8, në raundin tjetër që është çerekfinalja, e pret Zvicra që eliminoi Italinë.
