Sekreti.
Në datë 14 mars, një gjyqtar i posaçëm në Tiranë ka vendosur arrest në burg ndaj dy ish-zyrtarëve dhe, po me kërkesë të SPAK, u shpall në një seancë me dyer të mbyllura "ndalimi i publikimit të akteve". Nuk pati as njoftim zyrtar për arrestimet, as nga SPAK dhe as Policia.
Gjendur përballë informacioneve të shumta që më sinjalizuan se dy të dyshuarit ishin arrestuar pas hakerimit të PC-ve të prokurorëve të posaçëm në të njëjtën datë, ju drejtova me kërkesë zyrtare SPAK me pyetjen për çfarë vepre penale ishte arrestuar i dyshuari Zambak Gjoni. (foto 1 e emailit, datë 14 mars)
Ndërsa pati heshtje nga institucioni dhe pavarësisht rëndësisë dhe interesit publik, vazhdova të mbledh informacione nga burimet, që më saktesuan se "po kishte pasur ndërhyrje".
Në 25 mars, ju ridrejtova SPAK me kërkesë mbi të njëjtin objekt, duke kërkuar informim për çka kisha mbledhur; pra, të dhëna shtesë për të konfirmuar çka më kishin treguar burimet. Hetimi po kryhej për akuzat e nxjerrjes së akteve sekrete dhe ndërhyrje në sistem. Dhe me një seri pyetjesh për të cilat prisja konfirmim dhe që mund t’i gjeni në foton dy (emaili, datë 25 mars).
Në 1 prill, SPAK përgjigjet pa përgjigje, duke përdorur frazën: - "Nuk kemi informacion për të ndarë me ju".
U konsultova me ekspertët më të mirë se si duhet të veprojë një gazetar përballë një situate të tillë. A duhet të presë derisa sekreti të marrë dhenë, duhet të rrezikojë dhe për pasojë të merret nën hetim, apo duhet të respektojë interesin publik?
Më thanë: "Qëndro gazetare".
Dhe kështu po bëj.
Po e publikoj sot ngërçin e sekretit hetimor të një prokurorie, e cila nga data 13 mars, kur u arrestuan dy ish-zyrtarë, vendos më në fund të ndajë informacion. Asgjë s’ka ndryshuar, sekreti vazhdon sekret, megjithatë sot, në datë 4 prill, prokuroria e posaçme njofton zyrtarisht mes të tjerash:
"Nga verifikimet, ka rezultuar se është ndërhyrë vetëm në adresat e e-maile-ve të disa prokurorëve, por jo në sistemin e përgjithshëm të IT-së të institucionit. Personat përgjegjës kanë arritur të marrin disa informacione, pa mundur të sigurojnë akses në dosje hetimore. Po ashtu, ata kanë tentuar të ndërhyjnë edhe në email-in e Drejtuesit të Prokurorisë së Posaçme, Z. Altin Dumani, por pa sukses.
Falë një hetimi intensiv të drejtuar nga Prokuroria e Posaçme, me përfshirjen e BKH-së si dhe Sektorit të Ekspertizës të kësaj Prokurorie, u bë e mundur që të zbulohej kjo ndërhyrje e paligjshme, duke identifikuar dhe arrestuar brenda 24 orëve dy shtetas – individin që ka realizuar ndërhyrjen në e-mail-e dhe atë që ka shpërndarë informacionin tek persona të tretë. Gjithashtu, u bë e mundur sekuestrimi i paisjeve të përdorura për të realizuar ndërhyrjen, si edhe skedarët (file) e shkarkuar."/Marrë nga profili në Facebook i Anila Hoxhës
Fotot e postuara nga Anila Hoxha
Komente
Kerkesa duhej artikuluar ne kete forme: Sa te sigurt ndihen investitoret shqiptare nga ligjet ne fuqi? Sa te sigurt ndihen investitoret e huaj nga ligjet ne fuqi. Une do te te jape nje shembull dhe ju do te beni krahasimin. Sot pata nje takim me investitore ballkanas dhe gjate bisedes mu desh te trajtoja kendveshtrimin e kryeministrit ne lidhje me djithe investimet dhe zhvillimin ekonomik gjate kesaj dekade. Dhe ata me permenden projektin e " Open Balkans". "- Po i thashe keni te drejte nese synimi juaj per te investuar ne vendin tone lidhet me qendrimin shume te hapur dhe ligjet ne mbrojtje te "investitoreve te huaj". Por kendveshtrimi im ndryshon me ate te kryeministrit. Te jetosh dhe punosh ne nje "open society" ose "Open Balkans" do te thote te jetosh ne nje shoqeri qe nuk paragjykon reminishencat e se kaluares, nuk ndihet e kercenuar nga tendencat e superioritetit te races,fese, tradites, kultures, etnicitise etj.Kur te gjitha keto kane ne baze ligjin e vendit perkates qe i mbron. Nuk mund te pretendosh te jesh i hapur ne sensin kur kercenimi i pare qe mund ti ndodhe njeres pre ketyre faktoreve te brendshem mund te shkaktoje nje mbyllje jo vetem te realitetit social dhe kulturor por edhe atij ekonomik qe dua ta shpreh qarte: "- Investitoret dhe kompanite vendase nuk mbrohen nga ligjet dhe se me te favorizuar jane investitoret e huaj. Atehere cfare mund te mendojme? Per nje " Shqyerje open balcan or te ndryshojme ligjet qe mbrojne qytetaret dhe investitoret vendas. Nqs prokuroret fillojne te shqyrtojne me kujdes te gjithe projektvendimet dhe ligjet ne fuqi do pikasin direkt inferioritetin me te cilet ekonomia shqiptare dhe kompanite me kapital vendor perballen me ligjet qe mbrojne teresisht kompanite dhe investitoret e huaj, burimi i kapitalit te te cilave eshte me pikepyetje.
Përgjigjunuk e kishin per ty kur thane qendro se ti nuk je gazetare je cope leshi qe vene ne koke per paraden e 1 majit
Përgjigju